ఆంధ్రప్రదేశ్ రాజకీయాల్లో మరోసారి స్మార్ట్ మీటర్లు హాట్ టాపిక్గా మారాయి. ఒకప్పుడు జగన్ ప్రభుత్వ హయాంలో స్మార్ట్ మీటర్లను తీవ్రంగా వ్యతిరేకిస్తూ “రైతుల మెడకు ఉరితాళ్లు”, “స్మార్ట్ మీటర్లా… ఉరితాళ్లా?” అంటూ కథనాలు ప్రచురించిన ఈనాడు పత్రిక… ఇప్పుడు చంద్రబాబు నాయుడు ప్రభుత్వంలో అదే స్మార్ట్ మీటర్లను ప్రజలకు ఉపయోగపడే సంస్కరణగా అభివర్ణించడం రాజకీయ దుమారం రేపుతోంది.
గతంలో వచ్చిన ఈనాడు వార్తా క్లిప్పింగ్స్, తాజా కథనాలను పక్కపక్కన ఉంచుతూ సోషల్ మీడియాలో పెద్ద ఎత్తున పోస్టులు వైరల్ అవుతున్నాయి. “పక్కోడు చేస్తే తప్పు… పచ్చోడు చేస్తే ఒప్పా?” అంటూ వైఎస్సార్సీపీ మద్దతుదారులు, పలువురు నెటిజన్లు తీవ్ర విమర్శలు గుప్పిస్తున్నారు.
స్మార్ట్ మీటర్లు ఈనాడు వైఖరి
జగన్ హయాంలో ‘స్మార్ట్ మీటర్లా… ఉరితాళ్లా?’ అంటూ వరుస కథనాలు
జగన్ ప్రభుత్వం వ్యవసాయ విద్యుత్ కనెక్షన్లకు స్మార్ట్ మీటర్లు ఏర్పాటు చేయాలని నిర్ణయించిన సమయంలో ఈనాడు పత్రికలో వరుస కథనాలు ప్రచురితమయ్యాయి.
ఆ సమయంలో ప్రచురితమైన ముఖ్యమైన కథనాల్లో…
► మార్చి 20, 2023
“స్మార్ట్ మీటర్లా… ఉరితాళ్లా?”
రూ.6 వేల కోట్ల కుంభకోణం జరిగిందంటూ టీడీపీ అసెంబ్లీలో నినాదాలు చేసిన అంశాన్ని ప్రధాన కథనంగా ప్రచురించింది.
అదే కథనంలో…
- స్మార్ట్ మీటర్లపై భారీ అవినీతి జరిగిందన్న ఆరోపణలు
- అసెంబ్లీలో టీడీపీ నిరసనలు
- 11 మంది ఎమ్మెల్యేల సస్పెన్షన్
- ప్రభుత్వం రైతులపై భారం మోపుతోందన్న విమర్శలు
ప్రధానంగా చోటు చేసుకున్నాయి.
స్మార్ట్ మీటర్లు ఈనాడు వైఖరి
► మే 13, 2022
“రైతుల మెడకు ఉరితాళ్లు వేయొద్దు”
చంద్రబాబు నాయుడు చేసిన వ్యాఖ్యలను ఈనాడు ప్రముఖంగా ప్రచురించింది.
ఆ సందర్భంగా చంద్రబాబు…
“మోటార్లకు మీటర్లు మంచిదే అయితే ముందుగా మీ పొలంలో పెట్టుకోండి”
అంటూ అప్పటి ప్రభుత్వాన్ని సవాల్ చేసినట్లు కథనంలో పేర్కొంది.
స్మార్ట్ మీటర్లు ఈనాడు వైఖరి
► మే 19, 2023
“స్మార్ట్ మీటర్లు రైతులకు ఉరితాళ్లు”
రైతులతో ముఖాముఖి కార్యక్రమంలో నారా లోకేశ్ చేసిన వ్యాఖ్యలకు ఈనాడు ప్రధాన ప్రాధాన్యం ఇచ్చింది.
ఆ కథనంలో…
- స్మార్ట్ మీటర్ల వల్ల రైతులకు ప్రయోజనం ఉండదని
- గ్యాస్ సబ్సిడీల మాదిరిగానే పరిస్థితి ఉంటుందని
- ప్రభుత్వం రైతులను పట్టించుకోవడం లేదని
లోకేశ్ చేసిన విమర్శలను ప్రముఖంగా ప్రచురించింది.
స్మార్ట్ మీటర్లు ఈనాడు వైఖరి
అదే ఈనాడు… ఇప్పుడు స్మార్ట్ మీటర్లు ఎంతో ఉపయోగమంటూ కథనం!
2024 నవంబర్ 16న ప్రచురితమైన ఈనాడు కథనం మాత్రం పూర్తిగా భిన్నమైన సందేశాన్ని ఇచ్చింది.
“స్మార్ట్ విద్యుత్ మీటర్లు వచ్చేశాయ్” అనే శీర్షికతో వచ్చిన కథనంలో…
స్మార్ట్ మీటర్ల వల్ల…
- విద్యుత్ బిల్లుల రీడింగ్లో పారదర్శకత వస్తుందని
- ఇంటి యజమాని లేకపోయినా బిల్లింగ్ సులభమవుతుందని
- విద్యుత్ చౌర్యానికి అడ్డుకట్ట పడుతుందని
- ప్రభుత్వ కార్యాలయాల బకాయిలు తగ్గుతాయని
- విద్యుత్ శాఖపై అప్పుల భారం తగ్గుతుందని
- వినియోగదారులకు మెరుగైన సేవలు అందుతాయని
సానుకూలంగా వివరించింది.
స్మార్ట్ మీటర్లు ఈనాడు వైఖరి
సోషల్ మీడియాలో వైరల్ అవుతున్న విమర్శలు
ఈ నాలుగు వార్తా క్లిప్పింగ్స్ను పక్కపక్కన ఉంచుతూ సోషల్ మీడియాలో పెద్ద ఎత్తున విమర్శలు వెల్లువెత్తుతున్నాయి.
వాటిలో ప్రధానంగా వినిపిస్తున్న ప్రశ్నలు…
- జగన్ హయాంలో ఉరితాళ్లు… ఇప్పుడు ప్రజలకు మేలా?
- ప్రభుత్వం మారగానే కథనాల అర్థం కూడా మారిపోయిందా?
- ఒకే స్మార్ట్ మీటర్లు… రెండు రకాల వార్తలా?
- ఒకే విధానం… కానీ అధికారాన్ని బట్టి మీడియా వైఖరి మారిందా?
అంటూ నెటిజన్లు ప్రశ్నిస్తున్నారు.
స్మార్ట్ మీటర్లు ఈనాడు వైఖరి
భూ సర్వేపై కూడా ఇదే వైఖరి కనిపిస్తుందా?
స్మార్ట్ మీటర్ల విషయంలో వచ్చిన ఈ మార్పును ప్రస్తావిస్తూ సోషల్ మీడియాలో మరో చర్చ కూడా మొదలైంది.
జగన్ ప్రభుత్వంలో తీవ్ర విమర్శలకు గురైన భూ సర్వే అంశాన్ని కూడా భవిష్యత్తులో ఇదే తరహాలో సమర్థించే కథనాలు వస్తాయా? అనే సందేహాలను పలువురు వ్యక్తం చేస్తున్నారు.
స్మార్ట్ మీటర్లు ఈనాడు వైఖరి
మారినది ప్రభుత్వం కాదు… మారిందా కథనాల ధోరణి?
స్మార్ట్ మీటర్లపై ఈనాడు గతంలో ప్రచురించిన కథనాలు, ప్రస్తుతం వచ్చిన కథనాలను పోలుస్తూ సోషల్ మీడియాలో పెద్ద ఎత్తున రాజకీయ చర్చ జరుగుతోంది. ఒకప్పుడు “రైతుల మెడకు ఉరితాళ్లు”, “స్మార్ట్ మీటర్లా… ఉరితాళ్లా?” అంటూ విమర్శించిన అంశాన్ని ఇప్పుడు ప్రజలకు మేలు చేసే సంస్కరణగా చిత్రీకరించడంపై వైఎస్సార్సీపీ వర్గాలు, పలువురు నెటిజన్లు తీవ్ర అభ్యంతరం వ్యక్తం చేస్తున్నారు.
స్మార్ట్ మీటర్లు ఈనాడు వైఖరి
