రాష్ట్ర ఖజానా నుంచి లక్షలు లాయర్కు.. బాధిత కుటుంబాలకు మాత్రం హామీలు కూడా లేవు!
ఆంధ్రప్రదేశ్ ప్రభుత్వం జారీ చేసిన తాజా జీవో (G.O.Rt.No.738, హోం శాఖ) ఇప్పుడు తీవ్ర రాజకీయ చర్చకు దారితీస్తోంది. రాష్ట్ర ప్రభుత్వం తరఫున హైకోర్టులో Cr.No.21/2024 కేసులో హాజరైన సీనియర్ అడ్వకేట్ సిద్ధార్థ్ అగర్వాల్కు ఏకంగా రూ.82 లక్షల ప్రొఫెషనల్ ఫీజు చెల్లించేందుకు ప్రభుత్వం అధికారికంగా ఉత్తర్వులు జారీ చేసింది.
జీవో ప్రకారం 2025 జూలై నుంచి 2026 జనవరి వరకు జరిగిన కన్సల్టేషన్లు, వాదనలు, న్యాయసలహాల పేరుతో విడతల వారీగా మొత్తంగా రూ.82 లక్షలు చెల్లించనున్నారు. ఈ మొత్తాన్ని ప్రభుత్వ ఖజానా నుంచే విడుదల చేయాలని స్పష్టంగా పేర్కొన్నారు.
సిద్ధార్థ్ అగర్వాల్కు రూ.82 లక్షలు
ఉక్కు కార్మికుల ప్రాణాలకు విలువ లేదా?
ఇక్కడే అసలు ప్రశ్న మొదలవుతోంది.
విశాఖ ఉక్కు కర్మాగారంలో జరిగిన ప్రమాదాల్లో పలువురు కార్మికులు ప్రాణాలు కోల్పోయారు. వారి కుటుంబాలు ఇప్పటికీ పూర్తి స్థాయి నష్టపరిహారం కోసం ఎదురుచూస్తున్నాయి. కార్మిక సంఘాలు, ప్రజా సంఘాలు ఒక్కో మృతుడి కుటుంబానికి కనీసం రూ.1 కోటి నష్టపరిహారం ఇవ్వాలని డిమాండ్ చేస్తున్నా ప్రభుత్వం నుంచి స్పష్టమైన స్పందన కనిపించడం లేదు.
కానీ అదే ప్రభుత్వం ఒక కేసులో వాదించిన లాయర్కు మాత్రం క్షణాల్లో రూ.82 లక్షల చెల్లింపులకు ఆమోదం తెలపడం ఇప్పుడు ప్రశ్నార్థకంగా మారింది.
ప్రజల డబ్బు ఎవరికి?
ప్రభుత్వం విడుదల చేసిన జీవోను పరిశీలిస్తే సిద్ధార్థ్ అగర్వాల్కు వివిధ తేదీల్లో జరిగిన సమావేశాలు, న్యాయ సలహాలు, కోర్టు హాజరుల కోసం రూ.2 లక్షల నుంచి రూ.8 లక్షల వరకు విడతల వారీగా ఫీజులు మంజూరు చేసినట్లు తెలుస్తోంది.
ప్రజల పన్నుల రూపంలో వచ్చే డబ్బు ముందుగా బాధితులకు, రైతులకు, కార్మికులకు, నిరుపేదలకు ఉపయోగపడాలా? లేక అధికార వ్యవస్థకు సేవలందించే ప్రముఖ న్యాయవాదులకు ఉపయోగపడాలా? అనే ప్రశ్నలు ఇప్పుడు వినిపిస్తున్నాయి.
సిద్ధార్థ్ అగర్వాల్కు రూ.82 లక్షలు
చంద్రబాబు ప్రాధాన్యతలు ఇదేనా?
ప్రతిపక్షాలు చేస్తున్న విమర్శలు కూడా ఇదే దిశగా ఉన్నాయి. ఉక్కు కర్మాగారంలో ప్రాణాలు కోల్పోయిన కుటుంబాలకు కోటి రూపాయల నష్టపరిహారం ఇవ్వలేమని చెప్పే ప్రభుత్వం, తన కేసుల కోసం పనిచేసే సీనియర్ లాయర్కు మాత్రం రూ.82 లక్షలు విడుదల చేయడంలో ఏమాత్రం వెనుకాడలేదని ఆరోపిస్తున్నాయి.
ప్రజల కష్టాల కంటే రాజకీయ, న్యాయ వ్యవహారాలకే ప్రాధాన్యత ఇస్తున్నారా? అనే సందేహాలను ఈ జీవో మరింత పెంచిందని విమర్శకులు అంటున్నారు.
సిద్ధార్థ్ అగర్వాల్కు రూ.82 లక్షలు
https://andhracircle.com/wp-admin/post.php?post=3936&action=edit
రూ.82 లక్షల ఫీజు వెనుక అసలు కథ ఏమిటి?
ఈ చెల్లింపులు సాధారణ ప్రభుత్వ న్యాయ ఖర్చులా? లేక అధికారానికి అత్యంత కీలకమైన కేసుల్లో సేవలందించినందుకు ప్రత్యేక ప్రాధాన్యతతో మంజూరు చేసినవా? అనే ప్రశ్నలకు ప్రభుత్వం సమాధానం చెప్పాల్సిన అవసరం ఉందని రాజకీయ విశ్లేషకులు భావిస్తున్నారు.
ప్రజల డబ్బు ఖర్చు చేసే విషయంలో ప్రభుత్వం పారదర్శకంగా వ్యవహరించాలని, అదే సమయంలో ప్రమాదాల్లో మృతి చెందిన కార్మికుల కుటుంబాలకు న్యాయం చేయాలని డిమాండ్లు పెరుగుతున్నాయి.
సిద్ధార్థ్ అగర్వాల్కు రూ.82 లక్షలు
ఉక్కు కార్మికుల కుటుంబాలకు కోటి భారమా?.. చంద్రబాబు లాయర్కు రూ.82 లక్షలు మాత్రం సులువా!
ఒకవైపు ఉక్కు కార్మికుల కుటుంబాలు నష్టపరిహారం కోసం ఎదురు చూస్తుంటే, మరోవైపు ప్రభుత్వ కేసులు వాదించిన సీనియర్ లాయర్కు రూ.82 లక్షల ఫీజు మంజూరు కావడం రాజకీయంగా పెద్ద చర్చకు దారితీసింది. బాధిత కుటుంబాలకు కోటి రూపాయలు ఇవ్వడం భారంగా కనిపిస్తున్న ప్రభుత్వానికి, న్యాయవాదుల ఫీజుల కోసం లక్షల రూపాయలు విడుదల చేయడం మాత్రం సులభంగా మారిందా? అనే ప్రశ్న ఇప్పుడు ప్రజల్లో బలంగా వినిపిస్తోంది. ప్రజల ప్రాణాల విలువ ఎక్కువా? లేక అధికారాన్ని కాపాడే న్యాయపోరాటాల విలువ ఎక్కువా? అన్నదే ఇప్పుడు ప్రధాన చర్చగా మారింది.
