ప్రజలకు ఉపశమనం కల్పిస్తామని అధికారంలోకి వచ్చిన చంద్రబాబు ప్రభుత్వం ఇప్పుడు వరుసగా విద్యుత్ ఛార్జీల మోత మోగిస్తోందన్న విమర్శలు వెల్లువెత్తుతున్నాయి. ఇప్పటికే వివిధ రూపాల్లో వేల కోట్ల రూపాయల భారం మోపిన ప్రభుత్వం.. ఇప్పుడు ఎఫ్పీపీసీఏ (Fuel & Power Purchase Cost Adjustment) పేరుతో మరోసారి వినియోగదారుల జేబులకు గండి కొట్టేందుకు సిద్ధమైంది. రూ.555.30 కోట్ల అదనపు వసూళ్లకు రంగం సిద్ధం చేయడమే కాకుండా.. దీనిపై క్యారీయింగ్ కాస్ట్ కూడా జత చేయాలని డిస్కంలు ఆంధ్రప్రదేశ్ విద్యుత్ నియంత్రణ మండలి (APERC)ని ఆశ్రయించాయి. ఈ ప్రతిపాదన అమలైతే విద్యుత్ వినియోగదారులపై మరో భారీ ఆర్థిక భారం పడనుంది.
ఎఫ్పీపీసీఏ పేరుతో రూ.555.30 కోట్ల విద్యుత్ బాదుడు
ఎఫ్పీపీసీఏ పేరుతో మరో షాక్కు రంగం సిద్ధం
విద్యుత్ కొనుగోలు వ్యయంలో తలెత్తిన వ్యత్యాసాలను సర్దుబాటు చేయాలనే పేరుతో 2024 ఏప్రిల్ నుంచి జూన్ వరకు జరిగిన ఖర్చులను ఇప్పుడు వినియోగదారులపై మోపేందుకు డిస్కంలు సిద్ధమయ్యాయి.
డిస్కంలు ఏపీఈఆర్సీకి సమర్పించిన ప్రతిపాదనల ప్రకారం మొత్తం రూ.555.30 కోట్లను వినియోగదారుల నుంచి వసూలు చేయాలని కోరాయి. ఇదే కాకుండా ఈ మొత్తంపై క్యారీయింగ్ కాస్ట్ కూడా విధించాలని ప్రతిపాదించడం గమనార్హం. అంటే వాస్తవంగా ప్రజల నుంచి వసూలయ్యే మొత్తం ఇంకా పెరిగే అవకాశం ఉంది.
ఎఫ్పీపీసీఏ పేరుతో రూ.555.30 కోట్ల విద్యుత్ బాదుడు
మూడు డిస్కంలు కోరిన వసూళ్లు ఇవే
ఈపీడీసీఎల్ (EPDCL)
- మొత్తం క్లెయిం: రూ.287.68 కోట్లు
- ఇప్పటికే వసూలైన మొత్తం: రూ.1,830.90 కోట్లు
- మిగిలిన వసూళ్లు: రూ.1,120.14 కోట్లు
- అడగుతున్న మొత్తం: రూ.518.86 కోట్లు
- క్యారీయింగ్ కాస్ట్: రూ.13.92 కోట్లు
- మొత్తంగా ప్రతిపాదన: రూ.532.78 కోట్లు
ఏపీడీసీఎల్ (APDCL)
- మొత్తం క్లెయిం: రూ.15,587.68 కోట్లు
- ఇప్పటికే వసూలైన మొత్తం: రూ.845.42 కోట్లు
- మిగిలిన మొత్తం: రూ.623.51 కోట్లు
- అడగుతున్న మొత్తం: రూ.0.61 కోట్లు
- క్యారీయింగ్ కాస్ట్: రూ.22.52 లక్షలు
సీపీడీసీఎల్ (CPDCL)
- మొత్తం క్లెయిం: రూ.26,618.45 కోట్లు
- 2024-25లో వసూలైన మొత్తం: రూ.580.00 కోట్లు
- 2025-26లో ప్రతిపాదిత వసూళ్లు: రూ.1,064.74 కోట్లు
- అడగుతున్న మొత్తం: రూ.1,422.74 కోట్లు
- క్యారీయింగ్ కాస్ట్: రూ.72.64 కోట్లు
- మొత్తంగా వసూలు ప్రతిపాదన: రూ.1,495.38 కోట్లు
ఎఫ్పీపీసీఏ పేరుతో రూ.555.30 కోట్ల విద్యుత్ బాదుడు
రెండేళ్లలోనే రూ.21,628.12 కోట్ల విద్యుత్ భారం
చంద్రబాబు ప్రభుత్వం అధికారంలోకి వచ్చిన తర్వాత విద్యుత్ రంగంలో వరుసగా ఛార్జీల భారం పెరుగుతోందని ప్రతిపక్షాలు ఆరోపిస్తున్నాయి.
అందుబాటులో ఉన్న గణాంకాల ప్రకారం..
- 2024 సంవత్సరంలో వివిధ రూపాల్లో రూ.6,072.86 కోట్ల అదనపు భారం.
- 2025-26 సంవత్సరానికి మరో రూ.9,412.50 కోట్ల ప్రతిపాదిత అదనపు భారం.
- 2024-25 ఆర్థిక సంవత్సరంలో ఎఫ్పీపీసీఏ తదితర సర్దుబాట్ల ద్వారా రూ.2,878.78 కోట్ల వసూళ్లు.
- క్యారీయింగ్ కాస్ట్తో కలిపి మరో రూ.923.55 కోట్ల భారం.
- 2025-26లో ఎఫ్పీపీసీఏ పేరుతో మరో రూ.2,800.28 కోట్ల వసూళ్లకు ప్రతిపాదనలు.
ఈ మొత్తం లెక్కల ప్రకారం రెండేళ్లలోనే వినియోగదారులపై రూ.21,628.12 కోట్ల వరకు అదనపు భారం పడిందని విమర్శలు వ్యక్తమవుతున్నాయి.
ఎఫ్పీపీసీఏ పేరుతో రూ.555.30 కోట్ల విద్యుత్ బాదుడు
“ప్రజలకు ఉపశమనం” మాటల్లోనేనా?
ఎన్నికల సమయంలో ప్రజలపై భారాలు తగ్గిస్తామని హామీలు ఇచ్చిన ప్రభుత్వం.. అధికారంలోకి వచ్చిన తర్వాత వరుసగా విద్యుత్ ఛార్జీలు, సర్దుబాటు చార్జీలు, ఎఫ్పీపీసీఏలు, క్యారీయింగ్ కాస్ట్ల పేరుతో కొత్త కొత్త భారాలు మోపుతోందని విమర్శలు వినిపిస్తున్నాయి.
ఇప్పటికే పెరిగిన నిత్యావసర వస్తువుల ధరలు, గ్యాస్, పెట్రోల్, డీజిల్ ఖర్చులతో ఇబ్బందులు పడుతున్న సామాన్య, మధ్యతరగతి కుటుంబాలకు ఈ తాజా ప్రతిపాదనలు మరో ఆర్థిక దెబ్బగా మారే అవకాశముంది.
ఎఫ్పీపీసీఏ పేరుతో రూ.555.30 కోట్ల విద్యుత్ బాదుడు
ఏపీఈఆర్సీ నిర్ణయమే కీలకం
డిస్కంలు సమర్పించిన ఈ ప్రతిపాదనలపై ఇప్పుడు ఏపీఈఆర్సీ ప్రజాభిప్రాయాలు స్వీకరించి తుది నిర్ణయం తీసుకోనుంది. కమిషన్ ఆమోదం తెలిపితే ఎఫ్పీపీసీఏ పేరుతో ప్రతిపాదించిన అదనపు ఛార్జీలు నేరుగా విద్యుత్ బిల్లుల్లో కనిపించే అవకాశం ఉంది.
ఎఫ్పీపీసీఏ పేరుతో రూ.555.30 కోట్ల విద్యుత్ బాదుడు
ప్రజలపై విద్యుత్ భారాల పరంపర ఆగేదెప్పుడు?
ఎఫ్పీపీసీఏ పేరుతో మరో రూ.555.30 కోట్ల అదనపు వసూళ్ల ప్రతిపాదన, దానిపై క్యారీయింగ్ కాస్ట్ విధించే యోచన, ఇప్పటికే రెండేళ్లలో రూ.21,628.12 కోట్ల విద్యుత్ భారంపై వ్యక్తమవుతున్న విమర్శలు… ఇవన్నీ కలిసి రాష్ట్రంలో విద్యుత్ ఛార్జీల అంశాన్ని మరోసారి రాజకీయ, ప్రజా చర్చగా మార్చాయి. డిస్కంల ప్రతిపాదనలపై ఏపీఈఆర్సీ తుది నిర్ణయం ఎలా ఉంటుందనేది వేచి చూడాల్సి ఉన్నప్పటికీ, వరుసగా పెరుగుతున్న విద్యుత్ భారాలతో సామాన్య ప్రజలపై పడుతున్న ఆర్థిక ఒత్తిడి మాత్రం ఆందోళన కలిగించే అంశంగా మారింది.
ఎఫ్పీపీసీఏ పేరుతో రూ.555.30 కోట్ల విద్యుత్ బాదుడు
