ప్రతిపక్షంలో సకల శాఖలు తనవేనన్న పవన్… అధికారంలో ‘నా పరిధిలో లేదు’ అంటున్నారా?
ప్రతిపక్షంలో ఉన్నప్పుడు ప్రభుత్వంలోని ప్రతి అంశంపై స్పందిస్తూ, రైతు నుంచి విద్యార్థి వరకు, మహిళ నుంచి నిరుద్యోగి వరకు ప్రతి సమస్యపై ఆగ్రహం వ్యక్తం చేసిన జనసేన అధినేత, ఉప ముఖ్యమంత్రి పవన్ కళ్యాణ్ ఇప్పుడు అధికారంలో భాగస్వామిగా ఉన్న నేపథ్యంలో ఆయన వైఖరిపై తీవ్ర రాజకీయ విమర్శలు వ్యక్తమవుతున్నాయి. “అప్పుడు అన్నీ మనవే… ఇప్పుడు ఏమీ మనవి కావా?” అనే ప్రశ్నలు ప్రజల్లో వినిపిస్తున్నాయి.
పవన్ కళ్యాణ్ నా పరిధిలో లేదు
ప్రతిపక్షంలో పూనకాలు… అధికారంలో పరిమితులా?
ప్రతిపక్షంలో ఉన్నప్పుడు చీటికిమాటికి అప్పటి ప్రభుత్వంపై విరుచుకుపడిన పవన్ కళ్యాణ్, పరిపాలనలో ప్రతి లోపంపై స్పందించారు. వ్యవస్థలో ఎక్కడ సమస్య వచ్చినా తనదైన శైలిలో ప్రశ్నించారు. యువతను, అభిమానులను, వివిధ సామాజిక వర్గాలను ఉద్యమాలకు పిలుపునిచ్చారు.
కానీ అధికారంలో రెండేళ్లు పూర్తవుతున్న వేళ, రైతుల సమస్యలు, డీఎస్సీ అభ్యర్థుల ఆందోళనలు, మహిళల డిమాండ్లు, విద్యార్థుల సమస్యలు, లాకప్ డెత్ ఘటనలపై ప్రజలు రోడ్లెక్కుతుంటే, “ఆ శాఖలు నా పరిధిలో లేవు” అనే సమాధానాలు రాజకీయ చర్చకు దారితీస్తున్నాయి.
పవన్ కళ్యాణ్ నా పరిధిలో లేదు
రోడ్లెక్కిన ప్రజలకు సమాధానం ఎవరు చెప్పాలి?
గతంలో ప్రజలను ప్రశ్నించమని, పోరాడమని పిలిచిన నాయకత్వం ఇప్పుడు అధికారంలో ఉన్నప్పుడు అదే ప్రజలు తమ సమస్యలపై స్పందన కోరుతున్నారు. సమస్యల పరిష్కారంపై బాధ్యత ఎవరిది? ప్రజలు ఎదురుచూస్తున్న సమాధానం ఏమిటి? అనే ప్రశ్నలు మరింత బలంగా వినిపిస్తున్నాయి.
గతంలో ఇతరులను నిలదీసిన ప్రశ్నలే ఇప్పుడు తిరిగి పవన్ కళ్యాణ్ వైపు వస్తున్నాయని రాజకీయ ప్రత్యర్థులు విమర్శిస్తున్నారు. అప్పటి ఆవేశం, పోరాట పిలుపు, ఉద్యమ స్పూర్తి ఇప్పుడు కూడా కొనసాగుతుందా? లేక అధికార బాధ్యతల పేరుతో పరిమితుల గోడ వెనుకకు వెళ్లిపోతుందా? అనే చర్చ రాజకీయ వర్గాల్లో సాగుతోంది.
పవన్ కళ్యాణ్ నా పరిధిలో లేదు
“నిన్న వేసిన ప్రశ్నలే… నేడు వడ్డీతో తిరిగి నీ ముందున్నాయి!”
ప్రతిపక్షంలో ఉన్నప్పుడు అడిగిన ప్రతి ప్రశ్నకు ఇప్పుడు అధికారంలో ఉన్న నాయకత్వం సమాధానం చెప్పాల్సిన సమయం వచ్చిందని విమర్శకులు అంటున్నారు. “అప్పుడు అన్నీ మనవే… ఇప్పుడు నా శాఖ కాదు” అనే వాదన ప్రజలకు ఎంతవరకు ఆమోదయోగ్యమో కాలమే నిర్ణయించనుంది. కానీ ఒక విషయం మాత్రం స్పష్టం… గతంలో వేసిన ప్రశ్నలే ఇప్పుడు మరింత వడ్డీతో తిరిగి అధికారాన్ని ప్రశ్నిస్తున్నాయి.
పవన్ కళ్యాణ్ నా పరిధిలో లేదు
