కడప స్టీల్ ప్లాంట్ క్రెడిట్పై రాజకీయంగా జరుగుతున్న చర్చలకు జేఎస్డబ్ల్యూ గ్రూప్ ఛైర్మన్ సజ్జన్ జిందాల్ చేసిన ఒక్క ట్వీట్తోనే కొత్త మలుపు తిరిగింది. మాజీ ముఖ్యమంత్రి వైఎస్ జగన్మోహన్ రెడ్డి చేసిన ట్వీట్కు స్పందించిన సజ్జన్ జిందాల్.. “మీ ప్రభుత్వ హయాంలో లభించిన ప్రారంభ అనుమతుల నుంచే ఈ ప్రయాణం మొదలైంది” అంటూ బహిరంగంగా పేర్కొన్నారు. దీంతో స్టీల్ ప్లాంట్కు పునాది ఎవరు వేశారన్న అంశంపై మరోసారి రాజకీయ చర్చ మొదలైంది.
జగన్కు జేఎస్డబ్ల్యూ సీఎండీ సజ్జన్ జిందాల్ ధన్యవాదాలు
“మీ ప్రభుత్వ హయాంలోనే అన్ని అనుమతులు”.. జగన్కు జిందాల్ స్పష్టమైన సమాధానం
వైఎస్ జగన్ సోషల్ మీడియా వేదికగా కడప స్టీల్ ప్లాంట్ భూమిపూజను స్వాగతిస్తూ, తమ ప్రభుత్వ హయాంలోనే ప్రాజెక్టుకు అవసరమైన భూసేకరణ, పర్యావరణ అనుమతులు, నీటి కేటాయింపులు, మౌలిక సదుపాయాలు, ఇతర కీలక అనుమతులు పూర్తి చేశామని గుర్తు చేశారు.
దీనికి ప్రత్యుత్తరం ఇచ్చిన జేఎస్డబ్ల్యూ గ్రూప్ ఛైర్మన్ సజ్జన్ జిందాల్..
“మీ శుభాకాంక్షలకు ధన్యవాదాలు శ్రీ వైఎస్ జగన్ గారు. మీ ప్రభుత్వ హయాంలో లభించిన ప్రారంభ అనుమతుల నుంచే నేటి ఈ ప్రారంభోత్సవం వరకు సాగిన ప్రయాణం నిరంతర కృషికి నిదర్శనం. కడప ప్రాంత యువత, కుటుంబాల కోసం ఈ ప్రాజెక్టును వేగంగా పూర్తి చేయడానికి మేము కట్టుబడి ఉన్నాం.”
అని స్పష్టం చేశారు.
జగన్కు జేఎస్డబ్ల్యూ సీఎండీ సజ్జన్ జిందాల్ ధన్యవాదాలు
క్రెడిట్ ఎవరికి? జిందాల్ ట్వీట్తో మళ్లీ తెరపైకి వచ్చిన రాజకీయ చర్చ
గత కొంతకాలంగా కడప స్టీల్ ప్లాంట్ ప్రాజెక్టుపై రాజకీయంగా క్రెడిట్ కోసం పోటీ కొనసాగుతోంది. అయితే ప్రాజెక్టు ప్రారంభానికి అవసరమైన కీలక అనుమతులు జగన్ ప్రభుత్వ హయాంలోనే లభించాయని స్వయంగా జేఎస్డబ్ల్యూ అధినేత ప్రకటించడం ప్రాధాన్యత సంతరించుకుంది.
భూసేకరణ, పర్యావరణ క్లియరెన్స్లు, నీటి కేటాయింపులు, మౌలిక సదుపాయాల కల్పన వంటి అంశాలు పూర్తవడం వల్లే ప్రాజెక్టు అమలుకు మార్గం సుగమమైందని జగన్ గతంలో కూడా వెల్లడించారు. ఇప్పుడు అదే విషయాన్ని జేఎస్డబ్ల్యూ అధినేత బహిరంగంగా ప్రస్తావించడం రాజకీయ వర్గాల్లో చర్చనీయాంశంగా మారింది.
జగన్కు జేఎస్డబ్ల్యూ సీఎండీ సజ్జన్ జిందాల్ ధన్యవాదాలు
కడప యువతకు ఉపాధి.. వేగంగా పూర్తి చేస్తామని జేఎస్డబ్ల్యూ హామీ
సజ్జన్ జిందాల్ తన సందేశంలో కేవలం ధన్యవాదాలు చెప్పడానికే పరిమితం కాలేదు. రాయలసీమ యువత, కుటుంబాల భవిష్యత్తును దృష్టిలో పెట్టుకుని ప్రాజెక్టును వేగంగా పూర్తి చేస్తామని హామీ ఇచ్చారు. స్టీల్ ప్లాంట్ పూర్తయితే వేలాది ప్రత్యక్ష, పరోక్ష ఉద్యోగాలు లభించడంతో పాటు కడప జిల్లాలో పారిశ్రామిక అభివృద్ధికి కొత్త దిశ ఏర్పడనుంది.
జగన్కు జేఎస్డబ్ల్యూ సీఎండీ సజ్జన్ జిందాల్ ధన్యవాదాలు
జిందాల్ ఒక్క ట్వీట్తో క్రెడిట్ రాజకీయాలకు ఫుల్స్టాప్?
కడప స్టీల్ ప్లాంట్పై రాజకీయంగా ఎన్ని వాదనలు జరిగినా.. “మీ ప్రభుత్వ హయాంలో లభించిన ప్రారంభ అనుమతుల వల్లే ఈ ప్రయాణం మొదలైంది” అని జేఎస్డబ్ల్యూ ఛైర్మన్ సజ్జన్ జిందాల్ స్వయంగా చేసిన వ్యాఖ్యలు ఇప్పుడు రాజకీయ చర్చకు కేంద్రబిందువయ్యాయి. ప్రాజెక్టు పునాది ఎవరి హయాంలో పడిందనే అంశంపై వస్తున్న విమర్శలు, ఆరోపణల మధ్య జిందాల్ చేసిన ఈ ప్రకటనకు ప్రాధాన్యం ఏర్పడింది.
జగన్కు జేఎస్డబ్ల్యూ సీఎండీ సజ్జన్ జిందాల్ ధన్యవాదాలు
