దళిత మహిళ మాల గంగమ్మ లాకప్ డెత్ కేసు మరింత సంచలనంగా మారుతోంది. గంగమ్మ మృతికి ప్రత్యక్ష సాక్షిగా భావిస్తున్న బేగరి దుర్గప్ప ఆరోగ్య పరిస్థితిపై తీవ్ర ఆందోళన వ్యక్తం చేసిన ఆంధ్రప్రదేశ్ హైకోర్టు, అతని మెడికల్ రికార్డులన్నింటినీ సీల్డ్ కవర్లో వెంటనే తమ ముందుంచాలని కర్నూలు జీజీహెచ్ సూపరింటెండెంట్ను ఆదేశించింది. అవసరమైతే దుర్గప్పను వెంటనే ఆసుపత్రికి తరలించాలని కూడా స్పష్టం చేసింది. ఈ ఆదేశాలు కేసులో కొత్త ప్రశ్నలను లేవనెత్తుతున్నాయి.
గంగమ్మ కేసులో హైకోర్టు సీరియస్.. దుర్గప్ప మెడికల్ రికార్డులన్నీ వెంటనే ఇవ్వండి
హైకోర్టు ఆదేశాల వెనుక పెరుగుతున్న అనుమానాలు
గంగమ్మ లాకప్ డెత్ వ్యవహారంలో ఇప్పటికే దుర్గప్ప వాంగ్మూలాన్ని నమోదు చేయాలని ఆదేశించిన హైకోర్టు, ఇప్పుడు అతని వైద్య రికార్డులపై ప్రత్యేక దృష్టి పెట్టింది. దుర్గప్ప ఆరోగ్య పరిస్థితి, అందించిన చికిత్స, పరీక్షల నివేదికలు, వైద్యుల పరిశీలనలు సహా అన్ని వివరాలను సీల్డ్ కవర్లో సమర్పించాలని ఆదేశించింది.
అంతేకాదు, జుడీషియల్ కస్టడీలో ఉన్న దుర్గప్పను స్వయంగా పరిశీలించి నివేదిక ఇవ్వాలని అధికారులకు ధర్మాసనం స్పష్టమైన ఆదేశాలు జారీ చేసింది.
గంగమ్మ కేసులో హైకోర్టు సీరియస్.. దుర్గప్ప మెడికల్ రికార్డులన్నీ వెంటనే ఇవ్వండి
గంగమ్మ మరణం.. దుర్గప్ప తీవ్ర గాయాలు
కర్నూలు జిల్లా కౌతాళం మండలం బదినేహాల్ గ్రామానికి చెందిన మాల గంగమ్మ తన కుమారుడు వీరేంద్ర అదృశ్యంపై హైకోర్టును ఆశ్రయించడంతో ఈ కేసు ప్రారంభమైంది. హైకోర్టు ఆదేశాల మేరకు ఏర్పాటు చేసిన ప్రత్యేక దర్యాప్తు బృందం (సిట్) దర్యాప్తు సమయంలో గంగమ్మ, బేగరి దుర్గప్పలను కస్టడీలోకి తీసుకుందని ఆరోపణలు ఉన్నాయి.
సిట్ కస్టడీలో గంగమ్మ మృతి చెందగా, దుర్గప్ప తీవ్ర గాయాలతో ఆసుపత్రిలో చికిత్స పొందుతున్నారని గ్రామస్తులు చెబుతున్నారు. ఈ నేపథ్యంలో దుర్గప్ప ఈ కేసులో అత్యంత కీలక ప్రత్యక్ష సాక్షిగా మారారు.
గంగమ్మ కేసులో హైకోర్టు సీరియస్.. దుర్గప్ప మెడికల్ రికార్డులన్నీ వెంటనే ఇవ్వండి
దుర్గప్ప వాంగ్మూలంపై హైకోర్టు ప్రత్యేక దృష్టి
దుర్గప్ప కూడా ప్రాణాపాయ స్థితిలో ఉండటంతో ఈ కేసు నిజాలు వెలుగులోకి రాకముందే కీలక సాక్ష్యం కోల్పోయే ప్రమాదం ఉందని భావించిన ప్రకాశం జిల్లాకు చెందిన కాసుకుర్తి ఆగమన్రాజ్ హైకోర్టులో ప్రజా ప్రయోజన వ్యాజ్యం (పిల్) దాఖలు చేశారు.
దీంతో సంబంధిత మేజిస్ట్రేట్ ఆసుపత్రికి వెళ్లి దుర్గప్ప వాంగ్మూలాన్ని నమోదు చేసి కోర్టుకు సమర్పించాలని హైకోర్టు ఆదేశించింది.
గంగమ్మ కేసులో హైకోర్టు సీరియస్.. దుర్గప్ప మెడికల్ రికార్డులన్నీ వెంటనే ఇవ్వండి
గంగమ్మ కుమార్తె ఆచూకీపై మరో ట్విస్ట్
విచారణ సందర్భంగా పిటిషనర్ తరఫు న్యాయవాది గుండాల శివప్రసాద్ రెడ్డి మరో కీలక అంశాన్ని కోర్టు దృష్టికి తీసుకొచ్చారు. మృతురాలు గంగమ్మ కుమార్తె లక్ష్మిని పోలీసులు బెదిరించారని, ప్రస్తుతం ఆమె ఆచూకీ తెలియడం లేదని కోర్టుకు తెలిపారు. ఆమె ఫోన్ కూడా స్విచ్ఛాఫ్లో ఉండటం కొత్త అనుమానాలకు తావిస్తోంది.
గంగమ్మ కేసులో హైకోర్టు సీరియస్.. దుర్గప్ప మెడికల్ రికార్డులన్నీ వెంటనే ఇవ్వండి
ఏం దాచాలనుకుంటున్నారు..? దుర్గప్ప మెడికల్ రికార్డులపై హైకోర్టు సీరియస్!
గంగమ్మ లాకప్ డెత్ కేసులో హైకోర్టు తాజా ఆదేశాలు దర్యాప్తును మరింత కీలక దశకు తీసుకెళ్లాయి. దుర్గప్ప మెడికల్ రికార్డులు, అతని ఆరోగ్య పరిస్థితి, వాంగ్మూలం ఈ కేసులో కీలక ఆధారాలుగా మారే అవకాశం ఉంది. “దుర్గప్ప మెడికల్ రికార్డులన్నీ మా ముందుంచండి” అని హైకోర్టు ఇచ్చిన స్పష్టమైన ఆదేశాలు ఇప్పుడు రాష్ట్ర రాజకీయాల్లోనూ, న్యాయ వర్గాల్లోనూ తీవ్ర చర్చకు దారితీస్తున్నాయి.
గంగమ్మ కేసులో హైకోర్టు సీరియస్.. దుర్గప్ప మెడికల్ రికార్డులన్నీ వెంటనే ఇవ్వండి
