రాష్ట్రంలో పెట్టుబడుల పేరుతో ప్రభుత్వం కార్పొరేట్ కంపెనీలకు కోట్ల రూపాయల విలువైన ప్రభుత్వ భూములను రాయితీ ధరలకు కేటాయిస్తోందా? ఒకవైపు సామాన్య ప్రజలు, రైతులు భూమి కోసం ప్రభుత్వ కార్యాలయాల చుట్టూ తిరుగుతుంటే.. మరోవైపు వేల కోట్ల పెట్టుబడుల పేరుతో కంపెనీలకు వందల కోట్ల భూ రాయితీలు ఇవ్వడం ఇప్పుడు తీవ్ర రాజకీయ చర్చకు దారి తీసింది.
జూలై 11న ప్రభుత్వం జారీ చేసిన జీవో నెం.166, జీవో నెం.168 ప్రకారం కుప్పం నియోజకవర్గంలో రెండు కంపెనీలకు 106 ఎకరాల ప్రభుత్వ భూమిని భారీ రాయితీలతో కేటాయించడం ఇప్పుడు తీవ్ర విమర్శలకు కారణమవుతోంది.
రూ.461 కోట్ల భూ రాయితీలు
రెండు జీవోలు.. రెండు కంపెనీలు.. రూ.461 కోట్ల భూ రాయితీలు
ఇండస్ట్రీస్ అండ్ కామర్స్ (P&I) శాఖ విడుదల చేసిన ఉత్తర్వుల ప్రకారం…
GO Ms.No.166
Averra Panels Private Limitedకు చిత్తూరు జిల్లా గుడుపల్లె, శాంతిపురం మండలాల్లో గ్రీన్ఫీల్డ్ ఇంటిగ్రేటెడ్ వుడ్ ప్యానెల్ తయారీ యూనిట్ ఏర్పాటు కోసం
- మొత్తం పెట్టుబడి : రూ.1,137.58 కోట్లు
- ప్రత్యక్ష ఉద్యోగాలు : 350
- భూమి : 18 ఎకరాలు
- ప్రభుత్వం ఇచ్చిన భూ రాయితీ : దాదాపు రూ.255 కోట్లకు పైగా
అని జీవోలో పేర్కొంది.
GO Ms.No.168
Mondelez India Foods Private Limitedకు శ్రీ సిటీలో ఇప్పటికే ఉన్న చాక్లెట్ తయారీ యూనిట్ విస్తరణ కోసం
- మొత్తం పెట్టుబడి : రూ.1,801 కోట్లు
- ప్రత్యక్ష ఉద్యోగాలు : 80
- భూమి : 88 ఎకరాలు
- ప్రభుత్వం మంజూరు చేసిన భూ రాయితీ : రూ.206 కోట్లకు పైగా
అని ప్రభుత్వ ఉత్తర్వులు చెబుతున్నాయి.
మొత్తం 106 ఎకరాలు.. భూ రాయితీలు రూ.461 కోట్లు
ఈ రెండు జీవోలను కలిపి చూస్తే…
- మొత్తం భూమి : 106 ఎకరాలు
- మొత్తం భూ రాయితీలు : సుమారు రూ.461 కోట్లు
అనే విషయం ప్రభుత్వ ఉత్తర్వుల ద్వారానే బయటపడుతోంది.
రూ.461 కోట్ల భూ రాయితీలు
ఉద్యోగాల పేరుతో భూముల బదిలీ? లెక్కలు చెబుతున్నది ఏమిటి?
ప్రభుత్వం ప్రకటించిన గణాంకాల ప్రకారం…
Averra Panels ప్రాజెక్టు ద్వారా 350 ప్రత్యక్ష ఉద్యోగాలు వస్తాయని చెబుతోంది.
Mondelez విస్తరణ ద్వారా మాత్రం 80 ప్రత్యక్ష ఉద్యోగాలు మాత్రమే వస్తాయని జీవోలో పేర్కొన్నారు.
అంటే…
430 ఉద్యోగాల కోసం 106 ఎకరాల భూమి… రూ.461 కోట్ల భూ రాయితీలు…
ఈ లెక్కలపైనే ఇప్పుడు రాజకీయ వర్గాల్లో ప్రశ్నలు వినిపిస్తున్నాయి.
కుప్పంలోనే ఎందుకు?
ఈ రెండు ప్రాజెక్టులు కూడా ముఖ్యమంత్రి ప్రాతినిధ్యం వహిస్తున్న కుప్పం నియోజకవర్గ పరిధిలోనే భూములు పొందడం మరో చర్చకు దారి తీసింది.
పారిశ్రామికాభివృద్ధి పేరుతో ప్రభుత్వం తీసుకున్న నిర్ణయమా…
లేక ప్రత్యేక ప్రాంతానికే అధిక ప్రాధాన్యత ఇస్తోందా…
అనే ప్రశ్నలను ప్రతిపక్షాలు లేవనెత్తుతున్నాయి.
రూ.461 కోట్ల భూ రాయితీలు
ప్రతిపక్షాల ప్రశ్నలు
ప్రతిపక్షాలు ప్రభుత్వం ముందు పలు ప్రశ్నలు ఉంచుతున్నాయి.
- రూ.461 కోట్ల భూ రాయితీలకు ఆధారం ఏమిటి?
- మార్కెట్ విలువ ఎంత?
- ప్రభుత్వానికి వచ్చే ఆదాయం ఎంత తగ్గింది?
- ఈ రాయితీల వల్ల రాష్ట్రానికి వాస్తవ లాభం ఎంత?
- 430 ఉద్యోగాల కోసం వందల కోట్ల ప్రజా ఆస్తిని రాయితీగా ఇవ్వడం సమంజసమేనా?
అంటూ విమర్శలు గుప్పిస్తున్నాయి.
రూ.461 కోట్ల భూ రాయితీలు
ప్రభుత్వం వాదన
ప్రభుత్వం మాత్రం ఇది పూర్తిగా AP Industrial Development Policy 4.0 కింద ఇచ్చిన ప్రోత్సాహకమని చెబుతోంది.
పెట్టుబడులను ఆకర్షించడం, పరిశ్రమలు ఏర్పాటు చేయించడం, ఉపాధి అవకాశాలు పెంచడం లక్ష్యంగానే ఈ రాయితీలు ఇచ్చామని అధికార వర్గాలు స్పష్టం చేస్తున్నాయి.
రూ.461 కోట్ల భూ రాయితీలు
భూములా.. బహుమతులా? జవాబు చెప్పాల్సింది ప్రభుత్వమే!
కుప్పంలో రెండు కంపెనీలకు 106 ఎకరాల ప్రభుత్వ భూమి, దాదాపు రూ.461 కోట్ల భూ రాయితీలు, వేల కోట్ల పెట్టుబడుల ప్రకటనలు… ఇవన్నీ ఇప్పుడు ఆంధ్రప్రదేశ్ రాజకీయాల్లో హాట్ టాపిక్గా మారాయి. ప్రభుత్వం దీనిని పెట్టుబడులు, ఉపాధి కోసం తీసుకున్న నిర్ణయంగా సమర్థిస్తుండగా, ప్రతిపక్షాలు మాత్రం ప్రజా ఆస్తులను కార్పొరేట్లకు భారీ రాయితీలతో అప్పగిస్తున్నారంటూ తీవ్ర ఆరోపణలు చేస్తున్నాయి. ఈ కేటాయింపుల వల్ల రాష్ట్రానికి వాస్తవంగా ఎంత పెట్టుబడి, ఎంత ఉపాధి, ఎంత ఆదాయం వస్తుందన్నది రానున్న రోజుల్లో స్పష్టమయ్యే అంశం.
రూ.461 కోట్ల భూ రాయితీలు
