అభివృద్ధి పేరుతో భారీ ప్రాజెక్టులు తీసుకురావడం ఒకటైతే… అదే పేరుతో రైతుల భూములను బలవంతంగా లాక్కోవడం మరోటి. విశాఖ జిల్లా ఆనందపురం మండలం తర్లువాడలో గూగుల్ డేటా సెంటర్ పేరుతో జరుగుతున్న భూసేకరణ ఇప్పుడు ఈ రెండింటి మధ్య తేడా స్పష్టంగా చూపిస్తోంది. పరిహారం లేకుండా భూములు తీసుకోవడం, నిరసనలు అణచివేయడం… ఇవన్నీ కలిపి చూస్తే ఇది అభివృద్ధి కాదని, అధికార దౌర్జన్యం అనే విమర్శలు గట్టిగా వినిపిస్తున్నాయి.
పరిహారం లేకుండా భూములు లాక్కోవడం… ఇదేనా అభివృద్ధి?
తర్లువాడలో దశాబ్దాలుగా సాగు చేసుకుంటున్న
డీ పట్టా భూములు కలిగిన 520 మంది రైతులకు ఒక్క రూపాయి పరిహారం కూడా ఇవ్వకుండా భూములను స్వాధీనం చేసుకున్నారనే ఆరోపణలు తీవ్రంగా వినిపిస్తున్నాయి.
అంతేకాదు…
12 ఎకరాల జిరాయితీ భూములు సాగు చేస్తున్న మరో 6 కుటుంబాలకు కూడా ప్రభుత్వం ఎలాంటి పరిహారం ఇవ్వలేదని రైతులు ఆరోపిస్తున్నారు.
👉 ఇది చూస్తే ఒకే ప్రశ్న వస్తోంది:
పేద రైతులే టార్గెట్ అయ్యారా?
చట్టం ఉందా లేదా? 2013 భూ సేకరణ చట్టం ఎక్కడ?
2013 భూ సేకరణ చట్టం ప్రకారం:
- జిరాయితీ భూములకు 2.5 రెట్లు పరిహారం తప్పనిసరి
- పునరావాసం, పునరుద్ధరణ చర్యలు తప్పనిసరి
కానీ ప్రస్తుతం జరుగుతున్న వ్యవహారంలో ఈ నిబంధనలు ఎక్కడా కనిపించడం లేదనే విమర్శలు ఉన్నాయి.
👉 చట్టం పుస్తకాలకే పరిమితమా… నేలమీద అమలు ఉండదా?
హామీలు ఇచ్చి… ఇప్పుడు మాట తప్పిందా?
ప్రాజెక్ట్ ప్రారంభంలో:
- “అందరికీ తగిన పరిహారం” అంటూ హామీలు
- డీ పట్టా రైతులకు 5 సెంట్లు భూమి + ₹5 లక్షలు
- తర్వాత తగ్గించి 3 సెంట్లు ఇస్తాం అంటూ మరో మాట
👉 కానీ ఇప్పుడు?
ఆ హామీలన్నీ గాలిలో కలిసిపోయాయి అనే ఆరోపణలు.
నిరసన చేస్తే 144 సెక్షన్… ఇదేనా ప్రజాస్వామ్యం?
రైతులు ప్రశ్నిస్తే:
- 144 సెక్షన్ విధింపు
- పోలీసుల కట్టుదిట్టమైన బందోబస్తు
- నిరసన చేయకుండా నిర్బంధం
👉 అంటే…
భూములు తీసుకోవచ్చు… కానీ ప్రశ్నలు అడగకూడదా?
అసలు విషయం ఏమిటి?
ఒకవైపు గూగుల్ వంటి పెద్ద కంపెనీకి వేల కోట్లు పెట్టి ప్రాజెక్ట్ తీసుకురావడం…
మరోవైపు రైతులకు కనీస న్యాయం కూడా చేయకపోవడం…
👉 ఇది అభివృద్ధి కాదు…
ప్రజల మీద బలవంతం అనే విమర్శలు రావడం సహజం.
భూములు తీసుకోవడం వేగంగా… పరిహారం ఇవ్వడం ఎందుకు నెమ్మదిగా?
