రాజకీయాల్లో మాటలు కాదు.. కష్టాల్లో ఉన్న ప్రజల పట్ల నాయకుడు ఎలా స్పందించాడన్నదే చరిత్రలో నిలిచిపోతుంది. కన్నబిడ్డ కనిపించక ఆవేదనతో కుమిలిపోతున్న కుటుంబం వద్దకు వెళ్లి వారి కన్నీరు తుడవడం ఒక నాయకత్వం. అదే బాధలో ఉన్న కుటుంబాన్నే వందల కిలోమీటర్లు ప్రయాణం చేయించి తన నివాసానికి పిలిపించుకోవడం మరో విధానం. ఈ రెండు చర్యలను ఒకే గాటన కట్టడం సాధ్యమేనా? కాకినాడ చిన్నారి జ్ఞానేశ్వరి ఘటన మరోసారి ఈ ప్రశ్నను తెరపైకి తీసుకొచ్చింది.
బాధితుల ఇంటికి వెళ్లిన జగన్
అధికారంలో లేకపోయినా బాధితుల గడపకు వెళ్లిన జగన్
వైఎస్ జగన్ మోహన్ రెడ్డి ప్రతిపక్ష నేతగా ఉన్న సమయంలో ఎన్నో విషాద ఘటనల్లో బాధిత కుటుంబాల వద్దకే వెళ్లారు. వారి బాధలను ప్రత్యక్షంగా విన్నారు. రాజకీయ ప్రసంగాలు చేయకుండా, బాధితుల ఇంటి గడపపై కూర్చొని వారికి ధైర్యం చెప్పారు. అధికార యంత్రాంగం తన చేతిలో లేకపోయినా, మానవత్వం మాత్రం తనతో ఉందనే సందేశాన్ని ఇచ్చారు.
కాకినాడ చిన్నారి జ్ఞానేశ్వరి ఘటనలోనూ జగన్ స్పందన ఇదే కోణంలో కనిపించింది. బాధలో ఉన్న కుటుంబానికి అండగా నిలవడం, వారి పక్కనే ఉండడం నాయకుడి బాధ్యత అనే భావనను ఆయన మరోసారి గుర్తు చేశారు.
బాధితుల ఇంటికి వెళ్లిన జగన్
బాధితులనే అమరావతికి రప్పించుకున్న చంద్రబాబు
మరోవైపు ముఖ్యమంత్రి చంద్రబాబు నాయుడు వ్యవహరించిన తీరు పూర్తిగా భిన్నంగా కనిపించింది. ఇప్పటికే కన్నబిడ్డ ఆచూకీ కోసం ఆందోళనలో ఉన్న కుటుంబ సభ్యులనే అమరావతిలోని తన నివాసానికి పిలిపించి మాట్లాడారు.
ఇక్కడే రాజకీయ ప్రశ్న మొదలవుతోంది. బాధిత కుటుంబం ముఖ్యమంత్రి వద్దకు వెళ్లాలా? లేక ముఖ్యమంత్రే బాధిత కుటుంబం వద్దకు వెళ్లాలా? అధికారంలో ఉన్న రాష్ట్ర ముఖ్యమంత్రికి అందుబాటులో ఉన్న వ్యవస్థలు, భద్రత, యంత్రాంగం అన్నీ ఉన్నప్పటికీ, బాధిత కుటుంబానికే ప్రయాణ భారం పడటం ఎందుకు అనే ప్రశ్నలు వినిపిస్తున్నాయి.
బాధితుల ఇంటికి వెళ్లిన జగన్
నాయకత్వం అంటే అధికార కుర్చీ కాదు.. బాధితుడి గడపను చేరడం
ప్రజలు నాయకుడిలో చూసేది ప్రోటోకాల్ కాదు, పరామర్శ. కాన్వాయ్ కాదు, కరుణ. అధికార భవనం కాదు, ఆపన్నహస్తం. బాధితుడి ఇంటి గడప దాటి వెళ్లి అతని బాధను తన బాధగా భావించిన నాయకత్వం ఒకటి. బాధితుడే అధికార గడపను చేరాల్సిన పరిస్థితి మరోటి.
ఈ రెండు చిత్రాలు ప్రజల కళ్లముందు స్పష్టంగా ఉన్నాయి. అందుకే “బాధితుల ఇంటికి వెళ్లిన జగన్.. బాధితులనే తన ఇంటికి రప్పించుకున్న చంద్రబాబు.. ఇద్దరూ ఒకటే” అని చెప్పడం రాజకీయంగా సౌకర్యంగా ఉండొచ్చు. కానీ ప్రజల అనుభవాలు, చూసిన దృశ్యాలు మాత్రం వేరే కథ చెబుతున్నాయి.
బాధితుల ఇంటికి వెళ్లిన జగన్
బాధితుడి గడప దాటిన నాయకత్వమా.. బాధితుడే గడప తొక్కాల్సిన నాయకత్వమా?
బాధిత కుటుంబం కన్నీళ్లు కారుస్తున్నప్పుడు నాయకుడి అసలు వ్యక్తిత్వం బయటపడుతుంది. ఆ కన్నీళ్ల దగ్గరకు నాయకుడు వెళ్లాడా? లేక ఆ కన్నీళ్లనే తన గడప వరకు రప్పించుకున్నాడా? ఈ ఒక్క ప్రశ్నకు వచ్చే సమాధానమే ఈ రెండు నాయకత్వాల మధ్య ఉన్న తేడాను స్పష్టంగా చూపిస్తోంది. బాధితుల గడపకు వెళ్లిన జగన్.. బాధితులనే గడప తొక్కించిన చంద్రబాబు.. ఇద్దరూ ఎలా ఒకటవుతారు?
బాధితుల ఇంటికి వెళ్లిన జగన్
