కాకినాడ జిల్లా సీహెచ్ అగ్రహారానికి చెందిన రెండేళ్ల చిన్నారి జ్ఞానేశ్వరి కనిపించకుండా పోయి రెండు వారాలు పూర్తయ్యాయి. చిన్నారి కోసం పోలీసులు గాలింపు చర్యలు చేపట్టామని, ప్రత్యేక బృందాలు ఏర్పాటు చేశామని, ప్రతి కోణంలో దర్యాప్తు చేస్తున్నామని అధికారులు చెబుతున్నారు. కానీ ప్రజలు మాత్రం ఒక్క ప్రశ్ననే అడుగుతున్నారు.. “ఇన్ని ప్రకటనలు.. ఇన్ని హామీలు.. మరి చిన్నారి ఆచూకీ ఎక్కడ?”
జ్ఞానేశ్వరి ఎక్కడ
మాటలు పెద్దవే.. కానీ చిన్నారి జాడ మాత్రం కనిపించలేదు!
జ్ఞానేశ్వరి అదృశ్యమైన వెంటనే కేసు నమోదు చేసి అన్ని దిశల్లో విచారణ చేపట్టామని పోలీసులు ప్రకటించారు. ప్రత్యేక బృందాలు, సీసీటీవీ ఫుటేజీల పరిశీలన, గ్రామాల్లో విస్తృత గాలింపు, సోషల్ మీడియా ప్రచారం.. ఇలా ఎన్నో చర్యలు చేపట్టినట్లు వెల్లడించారు.
అయితే, రెండు వారాలు గడిచిపోయినా చిన్నారి గురించి ఒక్క స్పష్టమైన ఆధారం కూడా బయటకు రాకపోవడం పలు అనుమానాలకు తావిస్తోంది. ఇన్ని వనరులు, ఇన్ని వ్యవస్థలు ఉన్నా రెండేళ్ల చిన్నారి జాడ కనిపెట్టలేకపోవడం దర్యాప్తు వైఫల్యమే కాదా? అనే ప్రశ్నలు వినిపిస్తున్నాయి.
జ్ఞానేశ్వరి ఎక్కడ
ప్రజల్లో పెరుగుతున్న ఆగ్రహం.. బాధిత కుటుంబానికి మాత్రం నిరీక్షణే!
ప్రతి రోజు గడుస్తున్న కొద్దీ చిన్నారి కుటుంబ సభ్యుల ఆందోళన మరింత పెరుగుతోంది. తమ బిడ్డ సురక్షితంగా తిరిగి వస్తుందనే ఆశతో వారు ఎదురు చూస్తున్నారు. మరోవైపు స్థానిక ప్రజలు కూడా తీవ్ర ఆవేదన వ్యక్తం చేస్తున్నారు.
ఒక చిన్నారి అదృశ్యమైతే ఆమెను గుర్తించడం ప్రభుత్వ యంత్రాంగం ప్రాథమిక బాధ్యత కాదా? రెండు వారాలు దాటిపోయినా ఫలితం లేకపోవడంపై ప్రజల్లో అసంతృప్తి వ్యక్తమవుతోంది.
ప్రశ్నలు మాత్రం పెరుగుతున్నాయి…
- జ్ఞానేశ్వరి ఎక్కడ ఉంది?
- అదృశ్యమైన రోజు అసలు ఏమి జరిగింది?
- దర్యాప్తు ఏ దశలో ఉంది?
- రెండు వారాల తర్వాత కూడా ఎందుకు ఎలాంటి స్పష్టత రావడం లేదు?
- బాధిత కుటుంబానికి సమాధానం ఎవరు చెబుతారు?
జ్ఞానేశ్వరి ఎక్కడ
రెండు వారాలు.. వంద హామీలు.. కానీ జ్ఞానేశ్వరి ఎక్కడ?
“అంతన్నారు.. ఇంతన్నారు.. కానీ రెండేళ్ల చిన్నారి జ్ఞానేశ్వరి ఆచూకీ మాత్రం ఇప్పటికీ మిస్టరీగానే ఉంది.” రెండు వారాలుగా గడిచిపోతున్న ప్రతి రోజు బాధిత కుటుంబానికి నరకయాతనగా మారుతోంది. ప్రకటనలు, హామీలు, దర్యాప్తు మాటలకే పరిమితం కాకుండా.. చిన్నారి ఆచూకీపై అధికారులు స్పష్టమైన సమాధానం ఇవ్వాల్సిన అవసరం ఉందనే అభిప్రాయం ప్రజల్లో బలంగా వ్యక్తమవుతోంది.
జ్ఞానేశ్వరి ఎక్కడ
