ఉండవల్లి భూములపై కొత్త పంచాయితీ.. రోడ్డు పేరుతో రైతుల భూములకు ఎసరు?

రోడ్డు నిర్మాణానికి భూములిస్తే.. మిగిలిన భూములపైనా కన్నేస్తారా?
2014కు ముందే కోట్ల విలువైన ఉండవల్లి–పెనుమాక భూములు
బలవంతపు భూసేకరణ జరిగితే న్యాయ, ప్రత్యక్ష పోరాటానికి రైతుల హెచ్చరిక

ఉండవల్లి రైతుల అల్టిమేటం.. భూముల విషయంలో తగ్గేదేలే!

ఉండవల్లి భూసేకరణ

గుంటూరు జిల్లా ఉండవల్లి ప్రాంతంలో ప్రతిపాదిత రోడ్డు నిర్మాణం ఇప్పుడు రైతుల్లో తీవ్ర ఆందోళనకు కారణమవుతోంది. రోడ్డు కోసం అవసరమైన భూమిని తీసుకోవడంపై అభ్యంతరం లేదని చెబుతున్న రైతులు.. అదే పేరుతో తమ మొత్తం భూములపై హక్కులు కోల్పోయే పరిస్థితి మాత్రం అంగీకరించబోమని స్పష్టం చేస్తున్నారు.

2014కు ముందే ఉండవల్లి–పెనుమాక ప్రాంతంలోని భూములకు కోట్ల రూపాయల విలువ ఉందని రైతులు చెబుతున్నారు. రాజధాని ప్రాంతం ఏర్పడిన తర్వాత భూముల విలువ మరింత పెరిగిన నేపథ్యంలో.. తమ భూములపై బలవంతపు చర్యలు తీసుకుంటే చూస్తూ ఊరుకునేది లేదని హెచ్చరిస్తున్నారు.

ఉండవల్లి భూసేకరణ

రోడ్డు కోసం భూమి ఇస్తాం.. కానీ మొత్తం భూమిని ఎలా?

రైతుల ప్రధాన ప్రశ్న ఇదే. ప్రభుత్వ అవసరాల కోసం ఎంత భూమి అవసరమో అంతవరకే సేకరించాలి కానీ, రోడ్డు నిర్మాణం పేరుతో రైతుల భూములపై విస్తృతంగా హక్కులు సాధించే ప్రయత్నం ఎందుకు? అని వారు ప్రశ్నిస్తున్నారు.

తమకు ఉన్న భూములు కుటుంబాలకు ప్రధాన ఆధారమని, వాటిని కోల్పోతే భవిష్యత్తు దెబ్బతింటుందని రైతులు ఆవేదన వ్యక్తం చేస్తున్నారు. న్యాయపరమైన హక్కులను పక్కనపెట్టి భూసేకరణకు ప్రయత్నిస్తే కోర్టును ఆశ్రయించడంతో పాటు ప్రత్యక్ష ఆందోళనలకు దిగుతామని స్పష్టం చేస్తున్నారు.

ఉండవల్లి భూసేకరణ

ప్రభుత్వానికి రైతుల సూటి హెచ్చరిక

భూముల విలువ తెలిసినా రైతుల అభ్యంతరాలను పట్టించుకోకుండా ముందుకెళ్తే పరిణామాలు తీవ్రంగా ఉంటాయని రైతులు హెచ్చరిస్తున్నారు. అభివృద్ధి పేరుతో రైతుల హక్కులను కాలరాయడం కుదరదని, రోడ్డు నిర్మాణం అవసరమైతే చట్టబద్ధమైన విధానంలో, పారదర్శకంగా భూసేకరణ జరగాలని డిమాండ్ చేస్తున్నారు.

ఉండవల్లి, పెనుమాక ప్రాంతాల్లో భూముల వ్యవహారం ఇప్పటికే సున్నితమైన అంశంగా మారిన నేపథ్యంలో.. ప్రభుత్వం తీసుకునే తదుపరి నిర్ణయంపైనే అందరి దృష్టి నెలకొంది.

ఉండవల్లి భూసేకరణ

అసలు ట్విస్ట్ ఇదే.. రోడ్డు పేరుతో ఎంత భూమి పోతుంది?

రైతుల భయాలు నిజమవుతాయా? లేక అవసరమైన మేరకే భూసేకరణ పరిమితం అవుతుందా? అన్నదే ఇప్పుడు కీలక ప్రశ్నగా మారింది. తమ భూముల విషయంలో ఒక్క అంగుళం కూడా అన్యాయం జరిగితే పోరాటం తప్పదని ఉండవల్లి రైతులు తేల్చిచెబుతున్నారు.

ఉండవల్లి భూసేకరణ