దేవుడి భూముల అమ్మకం
ఆంధ్రప్రదేశ్లో మరోసారి దేవాదాయ భూముల వ్యవహారం రాజకీయంగా దుమారం రేపుతోంది. అనంతపురం జిల్లాలో శ్రీ పుష్పగిరి మఠానికి చెందిన విలువైన భూములను అమ్మేందుకు ప్రభుత్వం అనుమతి ఇవ్వడం ఇప్పుడు తీవ్ర చర్చకు దారితీసింది. “పేదలకు ఇళ్ల స్థలాలు లేవంటూ చెప్పిన ప్రభుత్వం.. దేవుడి భూములను మాత్రం వేలానికి పెడుతుందా?” అంటూ ప్రతిపక్షాలు మండిపడుతున్నాయి.
దేవుడి భూముల అమ్మకం
6.89 ఎకరాల భూమికి ప్రభుత్వం గ్రీన్ సిగ్నల్
అనంతపురం జిల్లా గార్లదిన్నె మండలం కల్లూరు అగ్రహారం గ్రామంలో ఉన్న శ్రీ పుష్పగిరి మఠానికి చెందిన సర్వే నెంబర్ 259లోని 6.89 ఎకరాల భూమి విక్రయానికి రాష్ట్ర ప్రభుత్వం అనుమతి ఇచ్చింది. ఈ మేరకు రెవెన్యూ (ఎండౌమెంట్స్-II) శాఖ జి.ఓ.ఆర్.టి నెం.789ను 19-05-2026 తేదీతో జారీ చేసింది.
ప్రభుత్వ ఉత్తర్వుల ప్రకారం, ఈ భూమిని ఈ-టెండర్-కమ్-పబ్లిక్ ఆక్షన్ ద్వారా విక్రయించనున్నారు. దీనికి ఆంధ్రప్రదేశ్ చారిటబుల్ అండ్ హిందూ రిలిజియస్ ఇన్స్టిట్యూషన్స్ అండ్ ఎండౌమెంట్స్ యాక్ట్, 1987లోని సెక్షన్ 80 ప్రకారం అనుమతులు ఇచ్చినట్లు పేర్కొన్నారు.
“ఆక్రమణలతో భూమి విలువ తగ్గింది” – జి.ఓలో కారణం
జి.ఓలో అత్యంత వివాదాస్పదంగా మారిన అంశం భూమి అమ్మకానికి చూపిన కారణం. ప్రభుత్వ ఉత్తర్వుల్లో “పునరావృత ఆక్రమణల వల్ల ఈ భూమి ఆర్థికంగా ఉపయోగం లేని స్థితికి చేరుకుంది” అని స్పష్టంగా పేర్కొన్నారు.
అంటే.. ప్రభుత్వమే ఆక్రమణలను అరికట్టలేకపోయిందా? లేక కావాలనే భూములను నిరుపయోగంగా మార్చి ఇప్పుడు అమ్మకానికి సిద్ధం చేస్తున్నారా? అనే ప్రశ్నలు వినిపిస్తున్నాయి.
దేవుడి భూముల అమ్మకం
అమ్మితే ఆదాయం.. ఉంచితే నష్టం?
ప్రభుత్వం మరో వాదన కూడా వినిపిస్తోంది. ఈ భూమిని విక్రయించి వచ్చిన మొత్తాన్ని ఫిక్స్డ్ డిపాజిట్ల రూపంలో మఠం పేరుతో పెట్టుబడి పెడితే ప్రతి సంవత్సరం ఎక్కువ ఆదాయం వస్తుందని ఉత్తర్వుల్లో పేర్కొన్నారు. ఆ ఆదాయంతో మఠంలోని ధార్మిక, సేవా కార్యక్రమాలు నిర్వహించవచ్చని ప్రభుత్వం చెబుతోంది.
అయితే విమర్శకులు మాత్రం “దేవాదాయ ఆస్తులను కాపాడాల్సిన ప్రభుత్వం.. అమ్మకాల దారిలో నడవడం ప్రమాదకరం” అంటున్నారు.దేవుడి భూముల అమ్మకం
అనుమతిస్తే ఆదేశాలు జారీ.. ఆక్రమణలపై ఎందుకు మౌనం?
ఈ వ్యవహారంలో మరో కీలక అంశం ఆక్రమణలపై ప్రభుత్వ వైఖరి. జి.ఓలోనే “ఆక్రమణలు పునరావృతం అవుతున్నాయి” అని అంగీకరించిన ప్రభుత్వం, ఇప్పటివరకు ఎన్ని కేసులు పెట్టింది? ఎవరి మీద చర్యలు తీసుకుంది? అనే ప్రశ్నలకు సమాధానం చెప్పాల్సి ఉందని రాజకీయ వర్గాలు డిమాండ్ చేస్తున్నాయి.
“ఆక్రమణలు జరిగితే వాటిని తొలగించి భూమిని కాపాడాలి గానీ.. చివరకు అమ్మేస్తే ఇకపై దేవాదాయ భూముల భద్రత ఎక్కడ?” అని విమర్శలు వెల్లువెత్తుతున్నాయి.
23 నెలల్లో భారీగా దేవాదాయ భూముల విక్రయాలు?
ఈ వ్యవహారం ఒక్కటే కాదని, గత 23 నెలల్లోనే రాష్ట్రవ్యాప్తంగా దేవాదాయ శాఖకు చెందిన అనేక భూముల విక్రయాలకు ప్రభుత్వం అనుమతులు ఇచ్చిందని ఆరోపణలు వినిపిస్తున్నాయి.
ప్రభుత్వ లెక్కల ప్రకారం కోట్ల రూపాయల విలువైన భూములు వేలానికి వెళ్లే ప్రక్రియలో ఉన్నాయని సమాచారం. దీంతో “దేవుడి ఆస్తుల పరిరక్షణ” అనే అంశం ఇప్పుడు రాజకీయంగా కీలక చర్చగా మారింది.
ప్రతిపక్షాల ఫైర్
ప్రతిపక్ష నేతలు ఈ అంశాన్ని తీవ్రంగా ఎత్తిచూపుతున్నారు.
“పేదలకు భూములు లేవంటూ చెప్పే ప్రభుత్వం.. దేవాదాయ భూములను మాత్రం అమ్మకానికి పెడుతోంది. ఇది ధార్మిక ఆస్తుల పరిరక్షణ కాదు.. ఆస్తుల నిర్వీర్యం” అంటూ మండిపడుతున్నారు.
ఇంకొందరు నేతలు “రేపు మరిన్ని దేవాలయ భూములను కూడా ఇదే కారణంతో అమ్మేస్తారా?” అని ప్రశ్నిస్తున్నారు.
దేవుడి భూముల అమ్మకం
దేవుడి భూముల వెనుక అసలు కథ ఏంటి?
దేవాదాయ భూముల విక్రయాలపై ప్రభుత్వం చెబుతున్న కారణాలు ఒకవైపు ఉంటే.. ప్రజల్లో, రాజకీయ వర్గాల్లో వ్యక్తమవుతున్న అనుమానాలు మరోవైపు ఉన్నాయి. “ఆక్రమణలు జరిగాయి కాబట్టి అమ్మకం” అనే వాదన భవిష్యత్తులో మరిన్ని వివాదాలకు దారి తీసే అవకాశముందని నిపుణులు చెబుతున్నారు.
దేవుడి భూముల పరిరక్షణలో ప్రభుత్వం నిజంగా కఠినంగా వ్యవహరిస్తుందా? లేక ఈ అమ్మకాలు కొత్త రాజకీయ తుఫాన్కు నాంది అవుతాయా? అన్నది ఇప్పుడు హాట్ టాపిక్గా మారింది.
దేవుడి భూముల అమ్మకం
