ఎన్నికల సమయంలో మద్యం నియంత్రణ, బెల్టు షాపుల నిర్మూలనపై పెద్దఎత్తున హామీలు ఇచ్చిన ప్రభుత్వం అధికారంలోకి వచ్చిన తర్వాత కూడా గ్రామాల్లో అక్రమ మద్యం విక్రయాలు యథావిధిగా కొనసాగుతున్నాయా? కృష్ణా జిల్లా అవనిగడ్డ మండలం పులిగడ్డ పల్లెపాలెంలో చోటుచేసుకున్న ఘటన ఈ ప్రశ్నను మరోసారి తెరపైకి తీసుకొచ్చింది. మంత్రి నారా లోకేశ్ గ్రామ పర్యటన సందర్భంగా మహిళలు బెల్టు షాపుల కారణంగా తమ కుటుంబాలు నాశనమవుతున్నాయని ఆవేదన వ్యక్తం చేస్తూ నేరుగా నిలదీశారు.
బెల్టు షాపులపై మహిళల ఆగ్రహం
బెల్టు షాపులపై మహిళల ఆగ్రహం
పులిగడ్డ పల్లెపాలేనికి చెందిన సైకం చిట్టెమ్మతో పాటు పలువురు మహిళలు మంత్రి నారా లోకేశ్ను అడ్డుకుని గ్రామంలో బెల్టు షాపులు విచ్చలవిడిగా కొనసాగుతున్నాయని ఫిర్యాదు చేశారు.
“మా ఊళ్లో బ్రాందీ తెగ అమ్ముతున్నారు… మగాళ్లు తాగి ఇంటికి వచ్చి గొడవలు చేస్తున్నారు… కుటుంబాలు చిన్నాభిన్నమవుతున్నాయి…” అంటూ మహిళలు ఆవేదన వ్యక్తం చేశారు.
బెల్టు షాపుల కారణంగా కుటుంబాల్లో కలహాలు, ఆర్థిక ఇబ్బందులు, మహిళలు, చిన్నారులపై తీవ్ర ప్రభావం పడుతోందని వారు వివరించారు.
హామీలకు భిన్నంగా క్షేత్రస్థాయిలో పరిస్థితులా?
మద్యం నియంత్రణపై ప్రభుత్వం పలుమార్లు ప్రకటనలు చేసినప్పటికీ గ్రామాల్లో బెల్టు షాపులు ఇంకా కొనసాగుతున్నాయనే ఆరోపణలు తరచూ వినిపిస్తున్నాయి. పులిగడ్డ పల్లెపాలెం ఘటన కూడా అదే పరిస్థితిని ప్రతిబింబిస్తోందని స్థానికులు అంటున్నారు.
అక్రమ మద్యం విక్రయాలను అరికట్టాలని మహిళలు డిమాండ్ చేస్తుండగా, అధికారులు మాత్రం సమర్థవంతమైన చర్యలు తీసుకోవడం లేదని గ్రామస్థులు ఆరోపిస్తున్నారు.
బెల్టు షాపులపై మహిళల ఆగ్రహం
“ఓకే తల్లీ”తోనే ముగిసిన స్పందన?
మహిళల గోడును విన్న మంత్రి నారా లోకేశ్ “ఓకే తల్లీ… ఓకే…” అంటూ స్పందించినట్లు అక్కడున్న వారు తెలిపారు. అనంతరం ఆయన తదుపరి కార్యక్రమానికి వెళ్లిపోవడంతో సమస్యపై స్పష్టమైన హామీ గానీ, వెంటనే చర్యలు తీసుకుంటామనే ప్రకటన గానీ రాలేదని మహిళలు అసంతృప్తి వ్యక్తం చేసినట్లు సమాచారం.
ఈ ఘటనకు సంబంధించిన వీడియోలు ప్రస్తుతం సోషల్ మీడియాలో వైరల్ అవుతున్నాయి.
బెల్టు షాపులపై మహిళల ఆగ్రహం
ప్రశ్నలు మిగిల్చిన పులిగడ్డ ఘటన
బెల్టు షాపుల నిర్మూలనపై ప్రభుత్వం చెప్పేది ఒకటా? గ్రామాల్లో జరుగుతున్నది మరొకటా? మహిళలు స్వయంగా మంత్రిని అడ్డుకుని తమ బాధ చెప్పాల్సిన పరిస్థితి ఎందుకు వచ్చింది? అక్రమ మద్యం విక్రయాలపై సంబంధిత అధికారులు ఎందుకు కఠిన చర్యలు తీసుకోవడం లేదు? వంటి ప్రశ్నలు ఇప్పుడు రాజకీయంగా చర్చనీయాంశమయ్యాయి.
బెల్టు షాపులపై మహిళల ఆగ్రహం
చర్యలు ఎప్పుడూ.. ప్రజల గోడు ఎప్పటివరకు?
పులిగడ్డ పల్లెపాలెంలో మహిళలు వ్యక్తం చేసిన ఆవేదన ఒక గ్రామానికి మాత్రమే పరిమితమైన సమస్య కాదనే అభిప్రాయం వ్యక్తమవుతోంది. బెల్టు షాపుల వల్ల కుటుంబాలు దెబ్బతింటున్నాయని ప్రజలు ఆందోళన వ్యక్తం చేస్తున్న నేపథ్యంలో ప్రభుత్వం, ఎక్సైజ్ అధికారులు కఠిన చర్యలు తీసుకుంటారా? లేక ప్రజల గోడు మరోసారి హామీలకే పరిమితం అవుతుందా? అన్నది వేచి చూడాల్సి ఉంది.
బెల్టు షాపులపై మహిళల ఆగ్రహం
