అమరావతి రాజధాని ప్రాంత అభివృద్ధిలో భాగంగా హైకోర్టు భవన సముదాయం పరిసరాల్లో చేపట్టనున్న వివిధ మౌలిక వసతుల పనులకు ఆంధ్రప్రదేశ్ ప్రభుత్వం పరిపాలనా అనుమతి మంజూరు చేసింది. ఈ మేరకు మున్సిపల్ అడ్మినిస్ట్రేషన్ అండ్ అర్బన్ డెవలప్మెంట్ (CRDA) శాఖ జీఓ ఆర్.టీ. నెం.705ను జారీ చేసింది.
ప్రభుత్వ ఉత్తర్వుల ప్రకారం అమరావతి గవర్నమెంట్ కాంప్లెక్స్లోని సూపర్ బ్లాక్ “F”లో ఉన్న హైకోర్టు భవనానికి సంబంధించి రూ.547,07,25,847 వ్యయంతో వివిధ అభివృద్ధి పనులు చేపట్టనున్నారు.
అమరావతి హైకోర్టు అభివృద్ధి పనులు
చేపట్టనున్న పనులు
ఈ ప్రాజెక్టులో భాగంగా:
- పార్కింగ్ సదుపాయాల ఏర్పాటు
- సెక్యూరిటీ పెవిలియన్ల నిర్మాణం
- వాటర్ బాడీల అభివృద్ధి
- అంతర్గత రహదారుల నిర్మాణం
- సబ్స్టేషన్ ఏర్పాటు
- జడ్జిల డ్రాప్-ఆఫ్ జోన్ల నిర్మాణం
- ఇతర అనుబంధ మౌలిక వసతుల పనులు
- పరిసర ప్రాంతాల అభివృద్ధి మరియు సౌందర్యీకరణ
చేపట్టనున్నారు.
అమరావతి హైకోర్టు అభివృద్ధి పనులు
APCRDA ఆమోదం
ఈ ప్రతిపాదనకు 2026 మే 30న జరిగిన APCRDA 61వ అథారిటీ సమావేశంలో ఆమోదం లభించింది. అనంతరం APCRDA కమిషనర్ ప్రభుత్వానికి ప్రతిపాదనలు పంపగా, వాటికి ప్రభుత్వం అధికారిక అనుమతి ఇచ్చింది.
ప్రభుత్వ ఉత్తర్వుల ప్రకారం ఈ పనులను డిజైన్-బిల్డ్ లంప్సమ్ కాంట్రాక్ట్ (శాతం టెండర్) విధానంలో చేపట్టేందుకు టెండర్ ప్రక్రియను ప్రారంభించనున్నారు.
అమరావతి హైకోర్టు అభివృద్ధి పనులు
అమరావతి అభివృద్ధిలో మరో అడుగు
రాజధాని ప్రాంతంలో ప్రభుత్వ సంస్థలు, న్యాయ వ్యవస్థకు సంబంధించిన మౌలిక వసతులను మరింత బలోపేతం చేయాలనే లక్ష్యంతో ఈ పనులు చేపడుతున్నట్లు ఉత్తర్వుల్లో పేర్కొన్నారు. ప్రాజెక్టు అమలుకు అవసరమైన చర్యలు చేపట్టేందుకు సంబంధిత అధికారులకు అనుమతులు కూడా మంజూరు చేశారు.
అమరావతి హైకోర్టు అభివృద్ధి పనులు
అమరావతి అభివృద్ధి ప్రణాళికలో మరో కీలక నిర్ణయం
అమరావతి గవర్నమెంట్ కాంప్లెక్స్లోని హైకోర్టు భవన పరిసర ప్రాంతాల్లో మౌలిక వసతుల అభివృద్ధి, సౌందర్యీకరణ పనుల కోసం రూ.547.07 కోట్ల వ్యయానికి ప్రభుత్వం పరిపాలనా అనుమతి మంజూరు చేసింది. APCRDA ఆమోదం అనంతరం జారీ చేసిన ఈ ఉత్తర్వులతో సంబంధిత పనుల టెండర్ ప్రక్రియకు మార్గం సుగమమైంది.
అమరావతి హైకోర్టు అభివృద్ధి పనులు
