పెరుగుతున్న ఖర్చులు.. పైసల్లోనే MSP పెంపు
దేశవ్యాప్తంగా రైతుల్లో తీవ్ర అసంతృప్తి నెలకొంది. కేంద్ర ప్రభుత్వం ప్రకటించిన 2026-27 ఖరీఫ్ పంటల కనీస మద్దతు ధరలు (MSP) రైతులను తీవ్ర నిరాశకు గురిచేశాయి. పెట్టుబడి వ్యయాలు భారీగా పెరుగుతున్న సమయంలో మద్దతు ధరలు మాత్రం నామమాత్రంగా పెంచడంపై అన్నదాతలు ఆగ్రహం వ్యక్తం చేస్తున్నారు.
ధాన్యానికి కిలోకు కేవలం మద్దతు ధరల పెంపు 72 పైసల పెంపు మాత్రమే ప్రకటించగా, గతేడాదితో పోలిస్తే అది కేవలం 3 శాతం పెరుగుదల మాత్రమే కావడం రైతుల్లో అసంతృప్తికి కారణమైంది. మరోవైపు మొక్కజొన్నకు మరింత తక్కువగా పెంపు రావడంతో రైతులు మండిపడుతున్నారు.
పెట్టుబడి ఖర్చులు 20% పెరిగినా.. MSP పెంపు 8.6% లోపే
రైతులు చెబుతున్న ప్రకారం విత్తనాలు, ఎరువులు, పురుగుమందులు, కార్మిక చార్జీలు, డీజిల్ ధరలు గతేడాదితో పోలిస్తే 15 నుంచి 20 శాతం వరకు పెరిగాయి. కానీ కేంద్ర ప్రభుత్వం ప్రకటించిన MSP పెంపు మాత్రం చాలా పంటలకు 8.6 శాతం లోపే ఉండటంతో రైతులు తీవ్ర అసంతృప్తి వ్యక్తం చేస్తున్నారు.
ప్రధాన పంటల MSP పెంపు వివరాలు
మద్దతు ధరల పెంపు
| పంట | పాత MSP | కొత్త MSP | పెరుగుదల |
|---|---|---|---|
| ధాన్యం | ₹2,389 | ₹2,461 | ₹72 |
| మొక్కజొన్న | ₹2,400 | ₹2,410 | ₹10 |
| జొన్నలు | ₹3,749 | ₹4,073 | ₹324 |
| రాగులు | ₹4,886 | ₹5,205 | ₹319 |
| పత్తి | ₹8,110 | ₹8,667 | ₹557 |
“ఈ ధరలతో పంటలు ఎలా పండించాలి?”
ప్రభుత్వ నిర్ణయంపై రైతు సంఘాలు తీవ్రంగా స్పందిస్తున్నాయి. పెరుగుతున్న ఖర్చులకు అనుగుణంగా MSP పెంచకపోతే వ్యవసాయం చేయడం కష్టమవుతుందని రైతులు చెబుతున్నారు. ముఖ్యంగా చిన్న, సన్నకారు రైతులు తీవ్ర నష్టాల్లోకి వెళ్లే ప్రమాదం ఉందని ఆందోళన వ్యక్తం చేస్తున్నారు.
కొంతమంది రైతులు మాట్లాడుతూ..
“విత్తనాల ధరలు పెరిగాయి.. ఎరువుల ధరలు పెరిగాయి.. కార్మికులకు రోజువారీ కూలీలు పెరిగాయి.. కానీ మా పంటలకు ఇచ్చే ధర మాత్రం పైసల్లో పెంచుతున్నారు” అంటూ అసహనం వ్యక్తం చేస్తున్నారు.
రైతు సంఘాల డిమాండ్లు ఏమిటి?
రైతు సంఘాలు MSP నిర్ణయాలపై పలు డిమాండ్లు చేస్తున్నాయి.
- స్వామినాథన్ కమిషన్ సిఫార్సుల ప్రకారం MSP నిర్ణయించాలి
- ఉత్పత్తి ఖర్చుపై కనీసం 50% లాభం కల్పించాలి
- అన్ని పంటలకు MSP హామీ చట్టం తీసుకురావాలి
- రైతుల పెట్టుబడి వ్యయాలను దృష్టిలో పెట్టుకుని ధరలు పెంచాలి
రైతుల్లో పెరుగుతున్న ఆగ్రహం.. ఉద్యమాలకు దారితీస్తుందా?
వ్యవసాయం ఇప్పటికే నష్టాల్లో సాగుతోందని రైతులు చెబుతున్నారు. ఇలాంటి పరిస్థితుల్లో మద్దతు ధరల పెంపు కూడా నామమాత్రంగా ఉండటం గ్రామీణ ప్రాంతాల్లో అసంతృప్తిని మరింత పెంచుతోంది. రానున్న రోజుల్లో రైతు సంఘాలు ఆందోళన బాట పట్టే అవకాశాలు కనిపిస్తున్నాయి.
పైసల పెంపుతో రైతు బతుకు మారుతుందా?
