ఆంధ్రప్రదేశ్లో ఆర్థిక పరిస్థితులపై మరోసారి రాజకీయ దుమారం రేగుతోంది. “సంపద సృష్టి” పేరుతో ప్రభుత్వం చెబుతున్న గణాంకాలపై మాజీ ముఖ్యమంత్రి వైఎస్ జగన్ తీవ్ర సందేహాలు వ్యక్తం చేశారు. 2025–26 ఆర్థిక సంవత్సరానికి సంబంధించిన కాగ్ ప్రొవిజనల్ గణాంకాలను ప్రస్తావిస్తూ రాష్ట్ర ఆర్థిక పరిస్థితి ఆందోళనకరంగా ఉందని విమర్శించారు.
ఆర్థిక సంక్షోభంలో రాష్ట్రం
రాష్ట్ర పన్ను రాబడులపై జగన్ ప్రశ్నలు
2025–26 ఆర్థిక సంవత్సరంలో రాష్ట్ర సొంత పన్ను రాబడి కేవలం 3.22 శాతం మాత్రమే పెరిగిందని గణాంకాలు చెబుతున్నాయని వైఎస్ జగన్ పేర్కొన్నారు. అదే సమయంలో జీఎస్డీపీ 10.75 శాతం వృద్ధి సాధించిందని ప్రభుత్వం చెప్పడం ఎలా సాధ్యమవుతుందని ప్రశ్నించారు.
“రాష్ట్ర పన్ను రాబడులు 9.60 శాతం పెరిగి ఉంటే జీఎస్డీపీ 10.75 శాతం వృద్ధి సాధించిందంటే ప్రజలు నమ్ముతారు. కానీ కేవలం 3.22 శాతం వృద్ధి ఉండగా భారీ జీఎస్డీపీ వృద్ధి కథలు చెప్పడం కట్టు కథే” అని జగన్ విమర్శించారు.
ఆర్థిక సంక్షోభంలో రాష్ట్రం
రెండేళ్లలో పన్ను రాబడుల్లో పెద్ద మార్పు లేదంటూ విమర్శ
జగన్ ప్రభుత్వం చివరి ఏడాది అయిన 2023–24లో రాష్ట్ర పన్ను రాబడులు రూ.85,922 కోట్లు ఉన్నాయని పేర్కొన్నారు. రెండు సంవత్సరాల తరువాత 2025–26లో చంద్రబాబు పాలనలో అవి రూ.86,552 కోట్లకే చేరాయని తెలిపారు.
సాధారణంగా ప్రతి ఏడాది 8 శాతం వృద్ధి నమోదైనా, 2025–26 నాటికి రాష్ట్ర పన్ను రాబడులు రూ.1,00,219 కోట్లకు చేరాల్సి ఉండేదని పేర్కొన్నారు. కానీ ఆ స్థాయిలో పెరుగుదల కనిపించకపోవడం రాష్ట్ర ఆర్థిక వ్యవస్థ బలహీనతకు సంకేతమని విమర్శించారు.
ఎక్సైజ్ రాబడులపై కూడా ప్రశ్నలు
ప్రైవేట్ మద్యం దుకాణాలు, బెల్ట్ షాపులు, అక్రమ పర్మిట్ రూములు పెరిగిపోయాయని ఆరోపిస్తూ కూడా ఎక్సైజ్ రాబడుల్లో క్షీణత ఎందుకు వస్తోందని జగన్ ప్రశ్నించారు.
“బెల్ట్ షాపులు, అక్రమ పర్మిట్ రూములు పెరిగినా ఎక్సైజ్ ఆదాయం తగ్గడం వెనుక అసలు కారణం ఏమిటి?” అంటూ ప్రభుత్వాన్ని నిలదీశారు.
కాగ్ ప్రొవిజనల్ గణాంకాలపై రాజకీయ వేడి
2025–26 కాగ్ ప్రొవిజనల్ గణాంకాలు ఇప్పుడు రాష్ట్ర రాజకీయాల్లో కొత్త చర్చకు దారి తీశాయి. ఒకవైపు ప్రభుత్వం సంపద సృష్టి, అభివృద్ధి అంటూ ప్రచారం చేస్తుండగా, మరోవైపు పన్ను రాబడులు ఆశించిన స్థాయిలో లేకపోవడం విపక్షాలకు ఆయుధంగా మారింది.
రాష్ట్ర ఆర్థిక పరిస్థితిపై ప్రజల్లో కూడా సందేహాలు పెరుగుతున్నాయి. ముఖ్యంగా జీఎస్డీపీ వృద్ధి, పన్ను రాబడుల మధ్య వ్యత్యాసం ఇప్పుడు హాట్ టాపిక్గా మారింది.
“సంపద సృష్టి”నా.. లేక గణాంకాల గారడీనా?
2025–26 కాగ్ ప్రొవిజనల్ గణాంకాల ఆధారంగా వైఎస్ జగన్ లేవనెత్తిన ప్రశ్నలు ఇప్పుడు రాజకీయంగా చర్చనీయాంశమయ్యాయి. రాష్ట్ర పన్ను రాబడులు పెద్దగా పెరగకపోయినా, భారీ జీఎస్డీపీ వృద్ధి కథనాలు చెప్పడంపై ప్రభుత్వం సమాధానం చెప్పాల్సిన పరిస్థితి ఏర్పడింది.
ఆర్థిక సంక్షోభంలో రాష్ట్రం
