రాజకీయాల్లో విమర్శలు సహజం. కానీ ప్రజలకు చేసిన మంచి పనులను చెరిపేసి, ఇచ్చిన హామీలను గాలికి వదిలేసి, ప్రజల కష్టాలను పక్కనబెట్టి రాజకీయాలు చేస్తే ప్రశ్నలు రావడం కూడా సహజమే. అందుకే ఇప్పుడు రాష్ట్ర ప్రజల ముందున్న అసలు ప్రశ్న ఒక్కటే… ఎవరికి తాట తీయాలి..? ఎవరిని తొక్కి పెట్టి నార తీయాలి..?
అభివృద్ధి VS వైఫల్యం
మెడికల్ కాలేజీలు కట్టిన నాయకుడా… లేక వాటి భవిష్యత్తును ప్రశ్నార్థకం చేస్తున్న పాలకుడా..?
ఒకరు రాష్ట్రంలో కొత్త మెడికల్ కాలేజీలు నిర్మించి వైద్య విద్యను గ్రామీణ ప్రాంతాలకు తీసుకెళ్లాలని ప్రయత్నించారు. మరొకరు ఆ ఆస్తుల భవిష్యత్తుపై అనుమానాలు, వివాదాలకు తావిచ్చేలా వ్యవహరిస్తున్నారనే విమర్శలు ఎదుర్కొంటున్నారు.
ప్రభుత్వ బడులు, ఆసుపత్రులకు కొత్త రూపు ఇచ్చిన వారా… లేక బెల్ట్ షాపులే అభివృద్ధి అన్న వారా..?
నాడు-నేడు ద్వారా ప్రభుత్వ పాఠశాలలు, ఆసుపత్రులు కార్పొరేట్ స్థాయిలో మారాయని ప్రజలు చూశారు. కానీ ఇప్పుడు మళ్లీ మద్యం అందుబాటుపై, బెల్ట్ షాపుల పెరుగుదలపై ప్రశ్నలు వినిపిస్తున్నాయి.
లక్షా 30 వేల ఉద్యోగాలు ఇచ్చిన వారా… లేక ఉద్యోగాలకే మచ్చ తెచ్చిన వారా..?
సచివాలయ వ్యవస్థ ద్వారా యువతకు పెద్ద ఎత్తున ఉద్యోగాలు కల్పించి పారదర్శక నియామకాలు నిర్వహించామని వైఎస్సార్సీపీ చెబుతోంది. అదే సమయంలో ఉద్యోగ నియామకాలపై అవకతవకల ఆరోపణలు ఎదుర్కొంటున్న ప్రస్తుత ప్రభుత్వంపై ప్రశ్నలు వెల్లువెత్తుతున్నాయి.
31 లక్షల పేదలకు ఇళ్ల కల నెరవేర్చిన వారా… లేక వేల కోట్ల భూములను పెద్దల చేతుల్లోకి వెళ్లేలా చేస్తున్న వారా..?
పేదలకు ఇళ్ల పట్టాలు, గృహ నిర్మాణ కార్యక్రమాలు అందించిన పాలన ఒకటి. మరోవైపు భూముల కేటాయింపులపై అనుమానాలు, విమర్శలు ఎదుర్కొంటున్న పాలన ఇంకొకటి.
అభివృద్ధి VS వైఫల్యం
పోర్టులు, ఫిషింగ్ హర్బర్లతో తీరప్రాంతాలకు ఊపిరి పోసిన వారా… లేక ప్రచార కార్యక్రమాలతో కాలక్షేపం చేస్తున్న వారా..?
తీర ప్రాంత అభివృద్ధికి మౌలిక సదుపాయాలు కల్పించిన పాలనను ప్రజలు చూశారు. ఇప్పుడు అభివృద్ధి కంటే ప్రచారానికే ఎక్కువ ప్రాధాన్యం ఇస్తున్నారనే విమర్శలు వినిపిస్తున్నాయి.
99 శాతం హామీలు నెరవేర్చామని చెప్పే వారా… లేక సూపర్ సిక్స్ను సూపర్ సైలెన్స్ చేసిన వారా..?
ఎన్నికల ముందు ఇచ్చిన హామీలతో ప్రజల్లో ఆశలు రేపి, ఎన్నికల తర్వాత వాటిని అటకెక్కిస్తే ప్రజలు ప్రశ్నించరా? హామీలు నెరవేర్చినవారిని, హామీలు మరిచిపోయినవారిని ప్రజలు పోల్చుకోరా?
అభివృద్ధి VS వైఫల్యం
రైతులు, విద్యార్థులు, పేదల కోసం పథకాలు నడిపిన వారా… లేక వాటిని నీరుగార్చిన వారా..?
రైతు భరోసా, ఫీజు రీయింబర్స్మెంట్, ఆరోగ్యశ్రీ, అంబులెన్స్ సేవలు, కాపు నేస్తం వంటి పథకాలను విస్తరించిన పాలన ఒకటి. వాటి అమలుపై ఇప్పుడు ప్రశ్నలు ఎదుర్కొంటున్న పాలన ఇంకొకటి.
అభివృద్ధి VS వైఫల్యం
అప్పులు చేస్తూనే సంక్షేమం అందించిన వారా… లేక సంక్షేమం ఆపేసి అప్పులే పెంచిన వారా..?
కరోనా వంటి విపత్కర పరిస్థితుల్లోనూ సంక్షేమాన్ని కొనసాగించిన పాలన ఒకటి. కానీ సంక్షేమం, అభివృద్ధి రెండింటిపైనా ప్రశ్నలు ఎదుర్కొంటూనే అప్పుల భారాన్ని పెంచుతున్నారని విమర్శలు ఎదుర్కొంటున్న పాలన మరోటి.
అభివృద్ధి VS వైఫల్యం
తాట తీయాల్సింది అభివృద్ధిని కట్టిన వారిని కాదు… ప్రజలను మోసం చేసిన వారినే..!
ప్రతి ఊరిలో సచివాలయాలు, రైతు భరోసా కేంద్రాలు కట్టించిన వారిని గుర్తుంచుకోవాలా…? లేక ప్రతి వీధిలో సమస్యలను పెంచి, ఎన్నికల హామీలను గాలికి వదిలేసిన వారిని నమ్మాలా…?
రాష్ట్రాన్ని నిర్మించిన వారిని శిక్షించాలా..? లేక ప్రజలను నమ్మించి హామీలను మరిచిపోయిన వారిని ప్రశ్నించాలా..?
ఎవరికి తాట తీయాలి..? ఎవరిని తొక్కి పెట్టి నార తీయాలి..? తీర్పు ప్రజలదే… సమాధానం కూడా ప్రజలదే..!
అభివృద్ధి VS వైఫల్యం
