తిరుమల లడ్డూ నెయ్యి వివాదం
తిరుమల శ్రీవారి లడ్డూ ప్రసాదం నెయ్యి కల్తీ వ్యవహారం మరోసారి రాజకీయ దుమారం రేపుతోంది. అయితే ఈ వ్యవహారంపై దర్యాప్తు చేసిన సీబీఐ ఆధ్వర్యంలోని సిట్‌ దాఖలు చేసిన అనుబంధ ఛార్జిషీట్‌లోని వివరాలు సంచలనంగా మారాయి. నెయ్యిలో జంతు కొవ్వు కలిసిందన్న ఆరోపణలకు భిన్నంగా వివిధ ల్యాబ్‌ పరీక్షల్లో అలాంటి అవశేషాలు గుర్తించలేదని నివేదికలు పేర్కొన్నట్లు ఛార్జిషీట్‌లో ప్రస్తావించినట్లు సమాచారం.
తిరుమల లడ్డూ నెయ్యి వివాదం
జంతు కొవ్వు ఎక్కడుంది? ల్యాబ్‌ రిపోర్టులే చెప్పిన అసలు విషయం!
తిరుమల లడ్డూ నెయ్యిలో జంతు కొవ్వు కలిసిందంటూ గతంలో పెద్ద ఎత్తున ఆరోపణలు వచ్చాయి. ఈ అంశం రాజకీయంగా కూడా తీవ్ర వివాదానికి దారితీసింది. అయితే సిట్‌ దర్యాప్తులో భాగంగా పరిశీలించిన ల్యాబొరేటరీ నివేదికలు మాత్రం మరో విషయాన్ని వెల్లడించినట్లు తెలుస్తోంది.
ఎన్‌డీఆర్‌ఐ (NDRI), కర్నాల్‌ ల్యాబ్‌లో నిర్వహించిన పరీక్షల్లో పరిశీలించిన నెయ్యి నమూనాల్లో LARD గుర్తించలేదని నివేదికలో పేర్కొన్నట్లు క్లిప్పింగ్స్‌లో ఉంది.
అంతేకాదు.. మైసూర్‌లోని సీఎఫ్‌టీఆర్‌ఐ (CFTRI) ల్యాబ్‌ పరీక్షల్లోనూ జంతు కొవ్వు ఉన్నట్లు నిర్ధారణ కాలేదని సిట్‌ ఛార్జిషీట్‌లో ప్రస్తావించినట్లు సమాచారం.
తిరుమల లడ్డూ నెయ్యి వివాదం
ఎన్‌డీడీబీ నివేదిక కూడా ఇదే చెప్పిందా?
ఈ వివాదంలో కీలకంగా ప్రస్తావించబడిన గుజరాత్‌ ఎన్‌డీడీబీ (NDDB) పరీక్షలపైనా సిట్‌ దర్యాప్తులో వివరాలు వెలుగులోకి వచ్చినట్లు క్లిప్పింగ్స్‌ పేర్కొంటున్నాయి.
నెయ్యిలో జంతు కొవ్వు ఉందంటూ జరిగిన ప్రచారానికి భిన్నంగా, సంబంధిత పరీక్షల్లో జంతు కొవ్వు ఉన్నట్లు నిర్ధారణ కాలేదనే అంశం సిట్‌ ఛార్జిషీట్‌లో ఉన్నట్లు సమాచారం.
దీంతో అసలు ల్యాబ్‌ నివేదికలు ఏమి చెప్పాయి? వాటిని రాజకీయంగా ఎలా ప్రచారం చేశారు? అనే ప్రశ్నలు మరోసారి తెరపైకి వచ్చాయి.
తిరుమల లడ్డూ నెయ్యి వివాదం
ఆరోపణలతో శ్రీవారి భక్తుల మనోభావాలకు దెబ్బ?
తిరుమల లడ్డూ కేవలం ప్రసాదం మాత్రమే కాదని, కోట్లాది మంది భక్తులకు అది అత్యంత పవిత్రమైనదనే భావన ఉంది. అలాంటి శ్రీవారి ప్రసాదంపై కల్తీ ఆరోపణలు దేశవ్యాప్తంగా తీవ్ర చర్చకు దారితీశాయి.
ఇప్పుడు సిట్‌ దర్యాప్తులోని ల్యాబ్‌ నివేదికలు భిన్నమైన విషయాలను వెల్లడించినట్లయితే, అప్పట్లో చేసిన ఆరోపణల వెనుక ఉన్న ఆధారాలపై సహజంగానే ప్రశ్నలు తలెత్తుతున్నాయి.
రాజకీయ ప్రయోజనాల కోసం తిరుమల శ్రీవారిని, లడ్డూ ప్రసాదాన్ని వివాదంలోకి లాగారా? అన్న చర్చ కూడా మొదలైంది.
తిరుమల లడ్డూ నెయ్యి వివాదం
సిట్‌ ఛార్జిషీట్‌తో రాజకీయ ఆరోపణలకు ఎదురుదెబ్బ?
చంద్రబాబు, పవన్‌ కల్యాణ్‌, లోకేశ్‌ తదితరులపై రాజకీయ విమర్శలు చేస్తూ వైఎస్సార్‌సీపీ వర్గాలు ఈ అంశాన్ని ప్రస్తావిస్తున్నాయి. నెయ్యిలో జంతు కొవ్వు ఉందంటూ చేసిన ఆరోపణలు ఇప్పుడు సిట్‌ దర్యాప్తులోని నివేదికలతో ప్రశ్నార్థకంగా మారాయని వారు అంటున్నారు.
అయితే ఈ వ్యవహారంపై తుది న్యాయపరమైన నిర్ణయం కోర్టు పరిధిలోనే ఉంటుంది. సిట్‌ ఛార్జిషీట్‌లోని ఆరోపణలు, ల్యాబ్‌ నివేదికలు, దర్యాప్తు ఆధారాలు అన్నీ న్యాయస్థానంలో పరిశీలించాల్సి ఉంటుంది.
తిరుమల లడ్డూ నెయ్యి వివాదం
లడ్డూ నెయ్యి వివాదానికి సిట్‌ నివేదికతో కీలక మలుపు.. నిజం తేలిపోయిందా?
తిరుమల లడ్డూ నెయ్యి వివాదంలో జంతు కొవ్వు ఉందన్న ప్రచారం, ల్యాబ్‌ పరీక్షల్లో వెలువడిన ఫలితాలు, సిట్‌ ఛార్జిషీట్‌లోని వివరాలు ఇప్పుడు మరోసారి చర్చనీయాంశంగా మారాయి. శ్రీవారి ప్రసాదంపై ఇంతటి తీవ్రమైన ఆరోపణలు చేసిన నేపథ్యంలో.. నిజం ఏది, ప్రచారం ఏది అన్నది దర్యాప్తు పత్రాలు, ఆధారాలు, కోర్టు విచారణ ద్వారా స్పష్టమవ్వాల్సి ఉంది.
తిరుమల లడ్డూ నెయ్యి వివాదం
