రెండేళ్లలోనే 72.6% నుంచి 82.1%.. ఇదెలా సాధ్యమైంది?
ఆంధ్రప్రదేశ్‌లో కూటమి ప్రభుత్వం అధికారంలోకి వచ్చిన రెండేళ్లలోనే అక్షరాస్యత రేటు 72.6 శాతం నుంచి ఏకంగా 82.1 శాతానికి పెరిగిందని మంత్రి నారా లోకేశ్ ప్రచారం చేస్తున్నారు. సుమారు 25 లక్షల మంది అక్షరాస్యులుగా మారారని, ఇది తమ ప్రభుత్వ ఘనతేనని చెబుతున్నారు.
కానీ ఇక్కడే అసలు ప్రశ్న మొదలవుతోంది.
ప్రభుత్వం చెబుతున్న 82.1 శాతం ఒకవైపు.. అదే రాష్ట్ర ప్రభుత్వానికి చెందిన Directorate of Economics and Statistics (DES) వెబ్‌సైట్‌లో కనిపిస్తున్న 67.35 శాతం మరోవైపు!
అసలు ఆంధ్రప్రదేశ్‌ ప్రజలు ఏ గణాంకాన్ని నమ్మాలి?
లోకేశ్ ప్రచార గణాంకాన్నా?
లేక రాష్ట్ర ప్రభుత్వ అధికారిక గణాంకాల శాఖ వెబ్‌సైట్‌లో ఉన్న గణాంకాన్నా?
ప్రజలకు సమాధానం చెప్పాల్సిన బాధ్యత ప్రభుత్వానిదే.
ఏపీ అక్షరాస్యత రేటు
ప్రభుత్వ DES వెబ్‌సైట్‌ ఏం చెబుతోంది?
రాష్ట్ర ప్రభుత్వ Directorate of Economics and Statistics అధికారిక వెబ్‌సైట్‌లోని Andhra Pradesh Profileలో అక్షరాస్యత రేటు **67.35%**గా స్పష్టంగా కనిపిస్తోంది.
అంటే ఒకవైపు ప్రభుత్వ ప్రచారంలో 82.1%..
మరోవైపు ప్రభుత్వ గణాంకాల విభాగం వెబ్‌సైట్‌లో 67.35%..
ఈ రెండు సంఖ్యల మధ్య వ్యత్యాసం చిన్న విషయం కాదు.
ఇది కేవలం ఒక అంకె తేడా కాదు. రాష్ట్ర విద్యా విధానాలు, ప్రభుత్వ పనితీరు, అక్షరాస్యతపై ప్రభుత్వం చేస్తున్న ప్రచారం, అధికారిక గణాంకాల విశ్వసనీయతకు సంబంధించిన కీలక అంశం.
అందుకే ప్రభుత్వం వెంటనే స్పష్టత ఇవ్వాలి.
67.35% ఏ సంవత్సరం గణాంకం?
82.1% ఏ సర్వే ఆధారంగా వచ్చింది?
రెండింటి లెక్కింపు విధానం ఏమిటి?
ఈ ప్రశ్నలకు సమాధానాలు చెప్పకుండా కేవలం ఒక కొత్త శాతాన్ని ప్రకటించి దానిని “చారిత్రక మార్పు”గా ప్రచారం చేయడం ఎంతవరకు సమంజసం?
des.ap.gov.in/MainPage.do;jsessionid=A78267E45AC0B1CE403443FF3BF7B243
25 లక్షల మంది అక్షరాస్యులైతే.. ఆ డేటా ఎక్కడ?
నారా లోకేశ్ వర్గం చెబుతున్న ప్రకారం అక్షర ఆంధ్ర కార్యక్రమం ద్వారా సుమారు 25 లక్షల మంది అక్షరాస్యులుగా మారారు.
అది నిజంగా జరిగితే రాష్ట్ర ప్రజలు సంతోషించాల్సిందే.
కానీ అంత పెద్ద స్థాయిలో మార్పు జరిగిందని చెబుతున్నప్పుడు దానికి సంబంధించిన పూర్తి ఆధారాలు కూడా ప్రజల ముందుంచాలి.
ప్రభుత్వం విడుదల చేయాల్సిన వివరాలు ఏమిటంటే:
- అక్షరాస్యతను కొలిచిన సర్వే వివరాలు
- ఉపయోగించిన మెథడాలజీ
- సర్వే చేసిన వారి సంఖ్య
- అక్షరాస్యులుగా గుర్తించిన 25 లక్షల మంది వివరాల ధృవీకరణ విధానం
- జిల్లాల వారీగా అక్షరాస్యత పెరుగుదల
- మండలాల వారీ గణాంకాలు
- సర్వేకు సంబంధించిన అధికారిక నివేదిక
- లబ్ధిదారుల ధృవీకరణ ప్రక్రియ
- 72.6% నుంచి 82.1%కు పెరుగుదలను నిర్ధారించే డేటా
ఇవన్నీ ప్రజల ముందుంచితే ఎవరికీ అభ్యంతరం ఉండదు.
కానీ డేటా లేకుండా ప్రచారం మాత్రమే ఉంటే మాత్రం ప్రశ్నలు తప్పవు.
ఏపీ అక్షరాస్యత రేటు
అక్షర ఆంధ్రనా.. ప్రచార ఆంధ్రనా?
రాష్ట్రానికి నిజంగా అక్షరాస్యత పెరగాలి. ప్రతి పేద కుటుంబంలోని పిల్లలకు విద్య అందాలి. చదువు మధ్యలో ఆపేసిన వారు తిరిగి విద్యావ్యవస్థలోకి రావాలి. పెద్దలకు కూడా కనీస చదువు, రాత నైపుణ్యాలు రావాలి.
అదే నిజమైన అక్షర ఆంధ్ర లక్ష్యం.
కానీ గణాంకాలను స్పష్టంగా వెల్లడించకుండా, పూర్తి డేటాను బయటపెట్టకుండా, కేవలం ఒక రాజకీయ ప్రకటనను “చారిత్రక విజయంగా” ప్రచారం చేస్తే అది అక్షర ఆంధ్ర కంటే ప్రచార ఆంధ్రగా కనిపించే ప్రమాదం ఉంది.
ఎందుకంటే ప్రజలకు కావాల్సింది హెడ్‌లైన్లు కాదు.
నిజమైన గణాంకాలు.
నిజమైన ఫలితాలు.
నిజమైన విద్యా మార్పు.
ఏపీ అక్షరాస్యత రేటు
బడికి దూరంగా ఉన్న 1,64,821 మంది పిల్లల సంగతేంటి?
ఇక్కడ మరో కీలకమైన అంశాన్ని కూడా విస్మరించలేం.
రాష్ట్రంలో 1,64,821 మంది బడిఈడు పిల్లలు ఇప్పటికీ అధికారిక విద్యా వ్యవస్థకు వెలుపల ఉన్నారని ప్రభుత్వమే అంగీకరిస్తోంది.
ఒకవైపు అక్షరాస్యత 82.1 శాతానికి చేరిందని ప్రభుత్వం గొప్పలు చెబుతోంది.
మరోవైపు వేలాది మంది బడిఈడు పిల్లలు ఇంకా విద్యా వ్యవస్థ వెలుపలే ఉంటే, ఈ రెండింటినీ ప్రభుత్వం ఎలా వివరిస్తుంది?
ప్రతి పిల్లవాడినీ బడిలోకి తీసుకురావడం, చదువును కొనసాగించేలా చేయడం, డ్రాప్‌అవుట్‌లను అరికట్టడం కూడా ప్రభుత్వ బాధ్యతే.
అక్షరాస్యత శాతం పెరిగిందని చెప్పడం మాత్రమే విద్యారంగంలో సంపూర్ణ విజయం కాదు.
ఏపీ అక్షరాస్యత రేటు
గణాంకాలు రాజకీయ ప్రచారానికి కాదు.. ప్రజల విశ్వాసానికి
నారా లోకేశ్ చెప్పిన 82.1% నిజమైన, తాజా, అధికారిక గణాంకం అయితే దానిని సమర్థించే పూర్తి డేటాను విడుదల చేయాలి.
అదే సమయంలో ప్రభుత్వ DES వెబ్‌సైట్‌లో కనిపిస్తున్న 67.35% గణాంకాన్ని ఎందుకు ఇంకా అలాగే ఉంచారో కూడా ప్రభుత్వం చెప్పాలి.
ఒకే రాష్ట్రానికి సంబంధించి ప్రజల ముందుకు రెండు విభిన్న అక్షరాస్యత గణాంకాలు వచ్చినప్పుడు, అనుమానం రావడం సహజం.
ప్రశ్నించేవారిని రాజకీయ ప్రత్యర్థులుగా చూడకుండా, గణాంకాలనే సమాధానంగా చూపించాలి.
ఎందుకంటే ఒక ప్రభుత్వానికి నిజమైన విజయాన్ని చెప్పడానికి ప్రచార పోస్టర్లు అవసరం లేదు.
డేటా చాలు.
సర్వే చాలు.
జిల్లాల వారీ ఫలితాలు చాలు.
ప్రజల ముందున్న పారదర్శక గణాంకాలు చాలు.
ఏపీ అక్షరాస్యత రేటు
67.35% నుంచి 82.1% వరకు.. మధ్యలో ఉన్న 14.75 శాతం పాయింట్ల కథ ఏమిటి?
ఆంధ్రప్రదేశ్‌ అక్షరాస్యత 82.1 శాతానికి పెరిగిందన్న వాదన నిజమైతే అది రాష్ట్రానికి గొప్ప విజయమే. కానీ ప్రభుత్వం చెప్పే 82.1%కు, DES వెబ్‌సైట్‌లో కనిపించే 67.35%కు మధ్య ఉన్న భారీ వ్యత్యాసానికి సమాధానం చెప్పాల్సిందే.
25 లక్షల మంది అక్షరాస్యులయ్యారని చెబుతున్నారా? అయితే సర్వేను విడుదల చేయండి.
మెథడాలజీ ఉందా? ప్రజలకు చూపించండి.
లబ్ధిదారుల ధృవీకరణ జరిగిందా? వివరాలు వెల్లడించండి.
జిల్లాల వారీగా ఫలితాలున్నాయా? బహిరంగపరచండి.
లేకపోతే ఒక ప్రెస్‌ రిలీజ్‌ తయారు చేసి దానికి “చారిత్రక పరివర్తన” అనే పేరు పెట్టి ప్రజల నుంచి చప్పట్లు ఆశించడం సరిపోదు.
లోకేశ్ హెడ్‌లైన్లను మేనేజ్‌ చేయగలరేమో.. కానీ గణాంకాలను మాత్రం మేనేజ్‌ చేయలేరు.
ఆంధ్రప్రదేశ్‌కు కావాల్సింది అక్షర ఆంధ్ర.
గణాంకాలను రాజకీయ ప్రచారానికి అనుగుణంగా మార్చే “ప్రచార ఆంధ్ర” కాదు.
ఏపీ అక్షరాస్యత రేటు
