అబద్ధం ఒకటి బట్టబయలైతే మరో అపవాదమేనా? ప్రసాద ప్రతిష్టపై వరుస దాడులు
పంది కొవ్వు, గొడ్డు కొవ్వు, చేప నూనె అంటూ స్వామివారి లడ్డూపై చేసిన ఆరోపణలు ఒక్కొక్కటిగా అబద్ధాలుగా బయటపడుతున్న వేళ, ఇప్పుడు కొత్తగా “బాత్రూం క్లీనర్లు” అంటూ మరో అపవాదాన్ని ప్రచారం చేయడం మొదలైంది. డైరీ పరిశ్రమలో సాధారణంగా ఉపయోగించే క్లీనింగ్ కెమికల్స్ను చూపించి, వాటిని లడ్డూ ప్రసాదంతో కలిపారని చెప్పడం వాస్తవాలకు పూర్తిగా విరుద్ధం. ఇది నిజాన్వేషణ కాదు – పవిత్ర ప్రసాదంపై ప్రతిష్టను దెబ్బతీయడానికి జరుగుతున్న నిరంతర ప్రచార యత్నంగా మాత్రమే కనిపిస్తోంది.
డైరీల్లో ఉపయోగించే క్లీనింగ్ కెమికల్స్ను ప్రసాదంతో కలపడం అనే ఆరోపణ ఎంతవరకు నిజం?
ప్రతి డైరీ యాజమాన్యం మిల్క్ ట్యాంకర్లను శుభ్రంగా ఉంచేందుకు Linear Alkylbenzene Sulfonic Acid (LABSA) వంటి కెమికల్స్ను కొనుగోలు చేయడం ఒక సాధారణ పరిశ్రమ ప్రమాణం. ఈ రసాయనాలు ట్యాంకర్ల శుభ్రత కోసం మాత్రమే ఉపయోగిస్తారు. అవి వారి వద్ద ఉన్నాయనే కారణంతో లడ్డూ ప్రసాదంలో కలిపారని చెప్పడం వాస్తవానికి విరుద్ధమైన, అవగాహన లేని ఆరోపణగా మారుతుంది.
ఇంటి క్లీనర్ను వంట నూనెగా వాడారన్న ఆరోపణతో సమానమైన తప్పుడు ప్రచారం
ఇంటి అవసరాల కోసం లైజాల్ వంటి ఫ్లోర్ క్లీనర్ను కొనుగోలు చేశారని, అదే సన్ఫ్లవర్ ఆయిల్ స్థానంలో వంట నూనెగా వాడారని చెప్పడం ఎంత అప్రాసంగికమో, డైరీల క్లీనింగ్ కెమికల్స్ను లడ్డూ ప్రసాదంతో కలిపారని ఆరోపించడం కూడా అంతే అసంబద్ధమైనది. ఈ పోలికే ఈ ఆరోపణల లోపాన్ని స్పష్టంగా చూపిస్తోంది
పంది కొవ్వు నుంచి బాత్రూం క్లీనర్ల వరకు – ప్రసాద ప్రతిష్టను దెబ్బతీయే ఆరోపణల పరంపర
మొన్నటివరకు పంది కొవ్వు, గొడ్డు కొవ్వు, చేప నూనె అంటూ స్వామివారి ప్రసాదంపై అనుచిత ఆరోపణలు చేసిన వారు, ఇప్పుడు బాత్రూం క్లీనర్లు అంటూ మరింత నీచమైన ప్రచారానికి దిగడం ఆందోళన కలిగించే విషయం. ఇవి వాస్తవాలపై ఆధారపడని ఆరోపణలే కాకుండా, కోట్లాది భక్తుల విశ్వాసాన్ని దెబ్బతీసే ప్రమాదకరమైన చర్యలుగా మారుతున్నాయి.
