🔹 విశాఖలో విలువైన ప్రభుత్వ భూమిని ఏబీఎన్కు ఉచితంగా ఇవ్వడంపై హైకోర్టు తీవ్ర ఆక్షేపణ
విశాఖపట్నంలో సర్వే నెంబర్ 70/1 & 70/2లో ఉన్న రూ.100 కోట్ల విలువైన ప్రభుత్వ భూమిని ఏబీఎన్ పబ్లికేషన్స్ ప్రైవేట్ లిమిటెడ్కు ఉచితంగా కేటాయించడంపై ఆంధ్రప్రదేశ్ హైకోర్టు తీవ్ర అభ్యంతరం వ్యక్తం చేసింది. ప్రజా ఆస్తిని ప్రైవేట్ మీడియా సంస్థకు ఎలాంటి ప్రతిఫలం లేకుండా ఇవ్వడం ఎలా సమంజసం అన్న ప్రశ్నలను న్యాయస్థానం లేవనెత్తింది.
🔹 చంద్రబాబు ప్రభుత్వ నిర్ణయంపై సూటి ప్రశ్నలు… “ఏ చట్టంతో ఉచితంగా భూమి ఇచ్చారు?”
ఈ భూ బదలాయింపు నిర్ణయం అప్పటి చంద్రబాబు నాయుడు ప్రభుత్వం తీసుకున్నదేనని పిటిషనర్ పేర్కొన్నారు. ప్రభుత్వానికి ప్రైవేట్ సంస్థలకు ఉచితంగా భూములు కేటాయించే అధికారం ఏ చట్టం ప్రకారం ఉందో వివరించాలని ధర్మాసనం ప్రభుత్వాన్ని నిలదీసింది. ప్రజాధనంతో కూడిన భూముల విషయంలో ప్రభుత్వం జవాబుదారీతనం వహించాల్సిందేనని కోర్టు స్పష్టం చేసింది.
🔹జీవో 492పై న్యాయస్థానానికి అనుమానాలు… సేల్ డీడ్ జరిగిందా? అంటూ విచారణ
రూ.100 కోట్ల విలువైన భూమిని తక్షణమే ఏబీఎన్ పబ్లికేషన్స్కు బదలాయించాలంటూ 2025 డిసెంబర్ 12న జారీ చేసిన జీవో నెంబర్ 492పై హైకోర్టు సందేహం వ్యక్తం చేసింది. ఈ జీవో ఆధారంగా సేల్ డీడ్ లేదా రిజిస్ట్రేషన్ ప్రక్రియ పూర్తయ్యిందా లేదా అన్న విషయాన్ని స్పష్టంగా తెలియజేయాలని ప్రభుత్వాన్ని ఆదేశించింది.
🔹 ప్రైవేట్ సంస్థలకు ఉచిత భూ బదలాయింపులకు అధికారం లేదన్న పిటిషనర్ వాదన
ఆంధ్రప్రదేశ్ ప్రభుత్వ ల్యాండ్ అలాట్మెంట్ పాలసీ (జీవో ఎంఎస్ నెంబర్ 571, తేదీ 14-09-2012) ప్రకారం ప్రైవేట్ కంపెనీలకు ఉచితంగా భూములు ఇవ్వకూడదని పిటిషనర్ వాదించారు. ప్రముఖ న్యాయవాది జడ శ్రవణ్ కుమార్ ఈ వాదనలను కోర్టు దృష్టికి తీసుకెళ్లగా, పాలసీ ఉల్లంఘనపై ధర్మాసనం తీవ్రంగా స్పందించింది.
🔹 పూర్తి వివరాలతో కౌంటర్ దాఖలు చేయాలంటూ ప్రభుత్వం, ప్రతివాదులకు నోటీసులు
ప్రభుత్వం తరఫున అడ్వకేట్ జనరల్ దమ్మాలపాటి శ్రీనివాస్ మరింత సమయం కోరగా, రెండు వారాల్లో పూర్తి వివరాలతో ప్రమాణ పత్రం దాఖలు చేయాలని హైకోర్టు ఆదేశించింది. ప్రభుత్వం సహా ప్రతివాదులందరికీ నోటీసులు జారీ చేసిన న్యాయస్థానం, ఈ వ్యవహారంపై విచారణను నాలుగు వారాలకు వాయిదా వేసింది.
