మత్స్యకార సొసైటీ ఎన్నికకు బ్రేక్.. వాయిదాపై భగ్గుమన్న నిరసనలు
పెదతీనార్లలో ఎన్నికల వాయిదాపై ఆందోళన
మత్స్యకార సొసైటీ ఎన్నిక వాయిదా
పెదతీనార్ల మత్స్యకార సొసైటీ ఎన్నిక చివరి నిమిషంలో వాయిదా పడటంతో గ్రామంలో ఉద్రిక్త పరిస్థితులు నెలకొన్నాయి. వైఎస్సార్‌సీపీ మద్దతుతో అభ్యర్థిగా బరిలో నిలిచిన జాన్‌ ఎన్నికను వాయిదా వేయడంపై ఆ పార్టీ నేతలు అభ్యంతరం వ్యక్తం చేశారు.
ఎన్నికల ప్రక్రియ కొనసాగుతున్న సమయంలోనే వాయిదా నిర్ణయం వెలువడటంపై మత్స్యకారులు, గ్రామస్తులు ఆగ్రహం వ్యక్తం చేస్తూ రోడ్డుపై బైఠాయించి నిరసన తెలిపారు.
మత్స్యకార సొసైటీ ఎన్నిక వాయిదా
కూటమి అభ్యర్థి ఓటమి భయంతోనేనా?
కూటమి మద్దతుతో బరిలో ఉన్న అభ్యర్థి ఓడిపోతారనే అంచనాతోనే ఎన్నికను చివరి నిమిషంలో వాయిదా వేయించారంటూ వైఎస్సార్‌సీపీ నేతలు ఆరోపించారు. ఈ నిర్ణయం వెనుక రాజకీయ ఒత్తిళ్లు ఉన్నాయని వారు విమర్శించారు.
అయితే ఎన్నిక వాయిదాకు సంబంధించిన అధికారిక కారణాలు, తదుపరి ఎన్నికల తేదీపై స్పష్టత రావాల్సి ఉంది.
రోడ్డెక్కిన మత్స్యకారులు, గ్రామస్తులు
ఎన్నిక వాయిదాపై నిరసనగా పెదతీనార్ల మత్స్యకారులు, గ్రామస్తులు రోడ్డుపై బైఠాయించారు. ఎన్నికను వెంటనే నిర్వహించాలని వారు డిమాండ్ చేశారు. దీంతో అక్కడ కొంతసేపు ఉద్రిక్త వాతావరణం నెలకొంది.
ఎన్నికల ప్రక్రియను పారదర్శకంగా కొనసాగించాలని, తమకు న్యాయం చేయాలని మత్స్యకారులు కోరుతున్నారు.
మత్స్యకార సొసైటీ ఎన్నిక వాయిదా
